web counter
LEXO PA REKLAMA!

SHKARKO APP

App Store
Google Play

E fundit!

x

“S’ka rrugë të shkurtra për integrimin”/ Komisionerja Kos: Duhen udhëheqës që kanë prioritet reformat

1 Shtator 2025, 15:07, Politikë CNA

“S’ka rrugë të shkurtra për integrimin”/

Komisionerja Europiane për Zgjerimin, Marta Kos, u shpreh sot se procesi i integrimit europian të Ballkanit Perëndimor nuk ka rrugë të shkurtra, por kërkon udhëheqës që i vendosin reformat mbi politikën e ditës.

Në fjalën e saj në forumin e Bledit në Slloveni, Kos tha se situata gjeopolitike ka ndryshuar dhe në këtë situatë u duhet dhënë prioritet reformave, shtetit të së drejtës dhe medias së lirë.

“Ky proces nuk mund të jetë i suksesshëm nëse nuk kemi udhëheqës që besojnë vetë që ky institucion është gjëja më e mirë. Duhen udhëheqës që i vendosin reformat mbi punët e përditshme, që dinë si t'i zgjidhin çështjet dypalëshe dhe së treti udhëheqës që besojmë se është detyra e tyre që t'i shtyjnë qytetarët e vendeve të tyre në këtë pikë. Anëtarësimi nuk ka të bëjë vetëm me atë që bëjmë neve në Bruksel, ka të bëjë edhe me faktin se sa e mbështet publiku. S’ka rrugë të shkurtra, folët për zotimin e Borrell, ndërkohë që ai tha që në 2030 të dyja palët duhet të jenë gati, vendet kandidate dhe ne. Ne që të jemi në gjendje t'i pranojmë këto shtete, ata duhet të realizojnë reformat, shteti i së drejtës, media e lirë, janë të panegociueshme. Gjeopolitika ka ndryshuar, përballemi me faktin që ka forca trazuese të jashtme siç i përkufizoj unë që duan të na shohim të dështojmë. Tani kemi forca të jashtme që duan që ne si Europë duam të dështojmë, kemi zgjedhje të rëndësishme në Moldavi. Rusia po rreket fort të luftojë kundër qeverisë aktuale”,-tha Kos./CNA





Lajmet e fundit nga