web counter
LEXO PA REKLAMA!

SHKARKO APP

App Store
Google Play

Menaxhimi i mbetjeve do të bëhet në 10 zona/ Kumbaro prezanton planin e ri

28 Gusht 2025, 13:14, Politikë CNA

Menaxhimi i mbetjeve do të bëhet në 10 zona/ Kumbaro prezanton

Ministrja e Turizmit dhe Mjedisit, Mirela Kumbaro, e pranishme në aktivitetin e Reformës në Trajtimin e Integruar të Mbetjeve, tha se aktualisht janë 7 landfille, por që nuk mjaftojnë.

Ministrja njoftoi se menaxhimi i mbetjeve do të bëhet në 10 zona të ndryshme.

Kumbaro prezantoi strategjinë e trajtimit të mbetjeve dhe lajmëroi sanksione të ashpra.

“Zgjerim i landfilleve ekzistuese, ndërtim i landfilleve të reja, mbyllje e venddepozitimeve të pakontrolluara në të gjitha zonat. Ashpërsim i sanksioneve. Është e rëndësishme që bizneset të kenë detyrim ligjor për të djegur e gjurmuar çdo mbetje që gjenerohet prej tyre. Ajo që shton sfidën është shtimi i flukseve turistike. Nuk është e njëjta gjë si të menaxhosh mbetjet e 2.5 mln banorëve dhe mbetjet e 15 mln banorëve dhe kjo mbetet vështirësi për bashkitë sidomos për bashkitë e vogla. Nëse përmendim bashkitë e vogla Bashkia e Përmetit dhe Gjirokastrës nuk është e mundur për këllqet e këtyre bashkive që ta përballojë vetëm me të ardhurat e tyre.

Në 2013 mblidheshin në territor 51% e mbetjeve të gjeneruara nga familjet e bizneset. 2020 jemi në 87% dhe në 2024 arritëm në 98% të mbledhjes së mbetjeve. Në 2013 kishim vetëm një landfill, sot kemi 7 të tilla, por këto nuk mjaftojnë, duke marrë parasysh relievin çka e bën të vështirë ushtrimin për bashkitë si Bashkia e Tropojës që e ka territorin shumë të vështirë dhe mbetjet që shohim në sipërfaqe të liqenit të Komanit, nuk janë mbetje të hedhura në liqen, por të fshatrave të ndryshme malore që nuk arrijnë të mblidhen e të shkojnë në një pikë fundore”, tha Kumbaro./ CNA





Lajmet e fundit nga