web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimet e Ramës/ Kaso: Uzurpim i atributeve të pushtetit, kërcënim i hapur

27 Gusht 2025, 15:22, Politikë CNA

Paralajmërimet e Ramës/ Kaso: Uzurpim i atributeve të pushtetit,

Sekretari për çështjet ligjore në Partinë Demokratike, Ivi Kaso, ka reaguar sot pas paralajmërimeve të bëra nga kryeministri Edi Rama për disa gjyqtarë e prokurorë.

Përmes një postimi në rrjetet sociale, Kaso shprehet se deklaratat e Ramës nuk janë një lajthitje e çastit, por një uzurpim i atributeve të pushtetit.

Kaso shton se qëndrimet e Ramës përbëjnë një kërcënim të hapur.

“Paralajmërimi i sotëm i Edi Ramës për gjyqtarët dhe prokurorët nuk është as lajthitje e çastit, as produkt i ndonjë vizioni distopik për Kushtetutën.

Nuk është as pasojë padijeje, kur bën sikur harron se drejtësia është vetë shteti dhe jo vegël e ekzekutivit të tij të korruptuar, që ka uzurpuar atributet e çdo pushteti.

Ky është një kërcënim i hapur: vetëm gjyqtarët dhe prokurorët që konformohen me objektivin e tij politik, “Shqipëria 2030”, do të shpallen “zyrtarë shteti”. Të tjerët do të stigmatizohen e sulmohen, siç kemi parë javët e fundit, në stilin e një mazhorance që skandalet e përditshme përpiqet t’i mbulojë me shoshën e retorikës për drejtësi.

Ky është paralajmërimi përfundimtar për ata që ende ushqejnë iluzionin e “Reformës në Drejtësi”. Sot u është bërë e qartë se reforma nuk është më projekt për shtet ligjor, por për shtet partie”,-shkruan Kaso./CNA





Lajmet e fundit nga