web counter
LEXO PA REKLAMA!

SHKARKO APP

App Store
Google Play

Largimi i demokratëve të Vlorës/ Hoxha: ‘Ikjet’ e sajuara janë skenar i Ramës

25 Gusht 2025, 15:24, Politikë CNA

Largimi i demokratëve të Vlorës/ Hoxha: ‘Ikjet’ e

Ish-kryetari i Partisë Demokratike për Degën Vlorë, Atird Hoxha, ka reaguar sot lidhur me një lajm mbi disa largime të personave me kontribut në PD drejt Partisë Socialiste.

Hoxha thekson se këto ‘ikje’ janë veçse sajesa me skenar të Ramës.

Hoxha akuzon Ramën se ky është një mashtrim i radhës, jo vetëm prej tij, por edhe nga televizionet e vëna në rresht.

“Ikjet” e sajuara nga PD janë skenar i Ramës, por Vlora nuk mashtrohet.

Dje, në edicionin qendror të lajmeve, Top Channel, si lajm të parë, riprodhoi një shkrim të një portali lokal, i cili prej kohësh hiqet si kritik i qeverisë, por në fakt i shërben në mënyrën më perfekte interesave të klaneve brenda saj.

Ky “lajm” i sajuar, që gjeti hapësirë në ekranin kryesor, u shfaq si një “tronditje” me largime masive nga Partia Demokratike e Vlorës. Në të vërtetë, nuk ishte gjë tjetër veçse një skenar propagandistik, i shpërndarë me kujdes nga struktura të lidhura ngushtë me pushtetin, për ta risjellë përsëri si lajm aktual.

Le të jemi të qartë: Rama dhe njerëzit e tij, që kanë gënjyer e vazhdojnë të gënjejnë qytetarët, nuk kanë 24.134 vende pune për të punësuar të gjithë ata që votojnë Partinë Demokratike në Qarkun e Vlorës, e aq më pak 529.354 vende pune për të punësuar të gjithë ata që votojnë Partinë Demokratike në nivel kombëtar, për të realizuar ëndrrën e tij të vjetër, Shqipërinë pa opozitë.

Sa për “ikjet e bujshme”, lista që shitet si “rrjedhja e madhe” nga PD nuk është gjë tjetër veçse një farsë mediatike. Në të përfshihen:

Dy kushërinj të një ministri aktual të Ramës,

Familjarë të ish-kryebashkiakut Dritan Leli,

Kushërinj dhe miq të kryebashkiakut aktual Ermal Dredha,

si dhe persona që prej vitesh janë pjesë e administratës, disa prej tyre mbi 15 vite, duke ndërtuar karrierën e tyre aty.

Për “blerjet” me parametra zero nuk ka nevojë për shumë sqarime .

Pra, të gjithë ata që sot shiten si “demokratë të larguar” janë në fakt të integruar e të lidhur ngushtë me pushtetin e Rilindjes. Ky është mashtrimi i radhës, një lojë e vjetër, e destinuar të dështojë.

Vlorën, opozitën dhe Partinë Demokratike nuk i trembin as portale të kapura, as televizione të vëna në rresht. Qytetarët e dinë të vërtetën dhe nuk mashtrohen më nga propaganda e Ramës.”,-shprehet Hoxha./CNA

 

 

 

 





Lajmet e fundit nga