web counter
LEXO PA REKLAMA!

SHKARKO APP

App Store
Google Play

Këlliçi: Strategjia e Ramës për mbetjet, gropa e radhës e korrupsionit

29 Gusht 2025, 12:52, Politikë CNA

Këlliçi: Strategjia e Ramës për mbetjet, gropa e

Kryeministri Edi Rama një ditë më parë u shpreh se do të krijohet Operatori Kombëtar i Menaxhimit të Mbetjeve.

Deklaratat e Ramës pasojnë sot me reagimin nga opozita. Deputeti i zgjedhur i PD-së, Belind Këlliçi, në një komunikatë për mediat, u shpreh se ky projekt do të jetë një tjetër gropë korrupsioni, një tjetër fasadë që do të shërbejë për vjedhjen e parave të takspaguesve shqiptarë.

Ai theksoi se ky projekt do të jetë një tjetër aferë korriptive e radhës pas asaj të inceneratorëve.

“Kryeministri që shkatërroi financat publike me inceneratorët, del e thotë se do të ngrejë një ‘Operator Kombëtar për Trajtimin e Mbetjeve’. Edhe ky projekt pritet të jetë një tjetër gropë e zezë korrupsioni, një tjetër ndërmarrje fasadë ku do të zhduken të tjera miliona euro nga taksat e qytetarëve. Sepse nuk kemi të bëjmë me reformë, por me të njëjtin model, zhdukje fondesh përmes propagandës dhe kontratave klienteliste.

Partia Demokratike u kujton shqiptarëve se në vitin 2012, kur PD ishte në qeveri, ishte hartuar një strategji serioze për trajtimin e mbetjeve, e bazuar te riciklimi dhe ekonomia e gjelbër, pa afera korruptive dhe pa dhunuar buxhetin e shtetit.

Edi Rama, me qëllim të vetëm përfitimin e bandës së tij, e hodhi poshtë këtë strategji dhe shpiku projektin kombëtar të inceneratorëve, duke e kthyer trajtimin e mbetjeve në një biznes gjigant të pastrimit të parave.

E vërteta është një dhe vetëm një: projekti i inceneratorëve është vjedhja e shekullit, ndërsa ‘riciklimi’ i Ramës është thjeshtë afera korruptive e radhës”, u shpreh Këlliçi./ CNA





Lajmet e fundit nga