“Një opozitë e përçarë nuk mund të fitojë”/ Mediu: Duhet një analizë për 11 majin nga PD-ASHM

1 Shtator 2025, 16:06, Politikë CNA

“Një opozitë e përçarë nuk mund të

Kreu i Partisë Republikane, Fatmir Mediu komentoi sot lidhur me situatën e opozitës para fillimit të legjislaturës së re.

Në një intervistë televizive, Mediu u shpreh se rezultati i zgjedhjeve të 11 majit treguan se një opozitë e përçarë nuk mund të fitojë dhe për këtë arsye nevojitet një analizë e brendshme nga vetë Partia Demokratike, por edhe nga koalicioni ASHM.

Mediu shtoi se duhet një organizim më i mirë dhe i përbashkuar opozitar pavarësisht problematikave brenda vetë opozitës.

“Opozita arriti t’i japë materiale plus ODHIR, PE apo Asamblesë së OSBE që raporti final të ishte sa më i plotë.
Por duhen ndjekur të gjitha rrugët që të kontestohen zgjedhjet dhe PD është në rrugën e saj në këtë drejtim. Ka edhe një analizë që opozita duhet të bëjë brenda saj për pikat e forta dhe të dobëta gjatë kësaj fushate. Marzhi i manipulimit të zgjedhjes ishte jashtëzakonisht i madh.

Qendrimi i opozitës për Kodin Zgjedhor duhet të ishte i ndryshëm, nuk krijonte një garë të hapur, krijonte dy grupe, një që e merr mandatin pa konkurrim dhe tjetri që luftonte. Për një opozitë kjo është e dëmshme, sepse forca e saj është marrëdhënia me qytetarët.

Kam qenë mbështetës i votës së emigranteve, nuk ishte çështje fryme por infrastrukture e cila kontrollohej nga PS.
Opozita arriti të krijonte një marrëdhënie pozitive me qytetarët.
Arbitri i këtyre zgjedhjeve, ndërkombëtarët kanë thënë që nuk kemi zgjedhje të lira e të ndershme ndaj rezultati është i manipuluar.
Konkurrimi i shumë partive opozitare ishte një gabim pasi votat që nuk përktheheshin në mandate i shkonin PS.
Mendoj që opozita ka nevojë që gjykojë drejt mbi manipulimin e zgjedhjeve dhe mbi funksionimin politik dhe strukturor opozitar.

Kush është ajo reformë elektorale që i nevojitet Shqipërisë dhe jo thjeshtë opozitës që Kuvendi të jetë përfaqësues, jo i emëruar. Nga ana tjetër çfarë nuk funksionoi mes dy grupeve të kandidatëve, në të dy listat.

Një opozitë e përçarë nuk mund të fitojë. Kjo kërkon një analizë të PD, koalicionit dhe në marrëdhënie me partitë e tjera.
Duhet një organizim më i mirë dhe i përbashkuar opozitar pavarësisht problematikave brenda nesh”,-tha Mediu./CNA