web counter
LEXO PA REKLAMA!

SHKARKO APP

App Store
Google Play

E fundit!

x

Forumi Strategjik i Bledit/ Hasani: Shqipëria, plotësisht e angazhuar në forcimin e bashkëpunimit

1 Shtator 2025, 16:03, Politikë CNA

Forumi Strategjik i Bledit/ Hasani: Shqipëria, plotësisht e angazhuar

Ministri për Europën dhe Punët e Jashtme të Republikës së Shqipërisë, Igli Hasani, po merr pjesë në Forumin Strategjik të Bledit 2025 të organizuar në Slloveni.

"Në 20-vjetorin e Forumit Strategjik të Bledit, Slloveni, për të marrë pjesë në diskutime rreth sfidave aktuale - me integrimin e Ballkanit Perëndimor në BE si një çështje kryesore për të ardhmen e kontinentit”, tha Hasani.

Ndër të tjera, ministri Hasani nënvizon se Shqipëria mbetet plotësisht e angazhuar në forcimin e bashkëpunimit dhe nxitjen e dialogut mbi tematika kyçe rajonale dhe globale.

Ditën e nesërme, Hasani do të marrë pjesë në Panelin me temë “Rajoni larg të rinjve: Koha për ndryshim”, i cili do të fokusohet tek nevoja e fuqizimit të të rinjve në rajonin e Ballkanit Perëndimor dhe bërja pjesë e tyre në jetën aktive të zhvillimit shoqëror, ekonomik dhe demokratik.

Ky vit shënon 20-vjetorin e Forumit Strategjik të Bledit, një konferencë e rëndësishme ndërkombëtare në Europën Qendrore dhe Juglindore që bashkon udhëheqës botërorë nga fusha të ndryshme për dialog strategjik në nivel të lartë.

Forumi shërben gjithashtu edhe për rrjetëzim ndërmjet udhëheqësve kryesorë politikë, përfaqësuesve nga biznesi, jeta akademike dhe shoqëria civile nga e gjithë bota./ CNA





Lajmet e fundit nga