web counter
LEXO PA REKLAMA!

SHKARKO APP

App Store
Google Play

"Strategjia është të luftojmë në çdo front"/ Bozdo: Vajtja në Parlament, nuk ka lidhje me njohjen e Ramës

1 Shtator 2025, 22:25, Politikë CNA

"Strategjia është të luftojmë në çdo

Anëtari i kryesisë së PD, Enno Bozdo i ftuar në emsionin “Now” me Erla Mëhillin ka folur në lidhje me vendimin e opozitës për të shkuar në Parlament, pavarësisht se kanë deklaruar që nuk i njohin zgjedhjet.

Bozdo tha se PD shkon në Parlament sepse i takojnë dhe 25 karrige më shumë se sa ato që ka, karrige që janë vjedhur nga Rama.

Më tej, Bozdo u shpreh se të shkuarja në Parlament nuk ka lidhje me njohjen e zgjedhjeve pasi Pd e ka pësuar njëherë braktisjen e ulëseve.

Gjë të cilën ai e ka quajtur një nga gabimet më të mëdha të Partisë Demokratike.

Demokrati deklaroi se Parlamenti është një tribunë më shumë që opozita të ngrejë zërin. Sa i përket strategjisë që do të ndjekin, Bozdo tha se do të luftojnë kudo që u jepet mundësia, kjo është e vetmja zgjidhje.

“PD shkon sepse mendon që i takojnë 75 karrige dhe 25 i ka vjedhur ai që ndodhet atje. Të shkosh në Parlament nuk ka lidhje me njohjen apo jo të zgjedhjeve. PD e ka pësuar me mosvajtjen në Parlament, një nga gabimet më të mëdha të Partisë Demokratike.

Të gjitha gjërat që thotë, PD duhet t’i ngrejë me forcë në Parlament. Të vazhdojë të ruajë linjën e saj institucionale. Vajtja në Parlament nuk ka lidhje me njohjen e Edi Ramës. Parlamenti është një tribunë më shumë. Strategjia është të luftojmë në çdo front që na jepet mundsia. Nuk ka zgjidhje tjetër për këtë gjë”, tha Bozdo./ CNA





Lajmet e fundit nga