web counter
LEXO PA REKLAMA!

SHKARKO APP

App Store
Google Play

"Jam kërcënuar nga bandat e Durrësit"/ Kalaja: Kam besim se do të jem në Parlament

2 Shtator 2025, 16:14, Politikë CNA

"Jam kërcënuar nga bandat e Durrësit"/ Kalaja: Kam

Kandidati i PD-së për Qarkun e Durrësit, Aulon Kalaja, në një dalje televizive ka folur për zgjedhjet e 11 majit, për të cilat tha se kishte shkelje të mëdha.

Kalaja tha se deputetët në Qarkun e Durrësit janë ndihmuar nga bandat dhe për këtë arsye do të humbasin mandatin.

Kandidati i PD-së u shpreh i bindur se do të jetë në Parlamentin e ardhshëm dhe tha se kërkon që të hapen kutitë.

Kalaja tha se është kërcënuar nga bandat e Durrësit në lidhje me Torrën Veneciane.

“Kam dërguar në SPAK një sërë çështjesh, ndër të tjera edhe vendimin e KAS-it. Prokurori ka pranuar veprën penale të falsifikimit zgjedhor në rastin tim, por se ka thënë se nuk e ka për kompetencë SPAK, sepse futet te veprat e lehta. Në zgjedhjet e 11 majit kishte shkelje të mëdha. I është vënë detyrë Prokurorisë së Durrësit, që nëse ka indicie për grup të strukturuar kriminal, do të shkojë çështja më tej.

Jam krenar që fushata ime ka kushtuar vetëm 6 mln të vjetër. SPAK të hetojë dhe për çështjen e tërmetit. Jam kërcënuar nga bandat e Durrësit për Torren Veneciane. Qeni që leh nuk të ha, nuk kam pse të kem frikë kur them të drejtën. Kruja është dhe historike, nuk ka vetëm tritol. Qytetarët nuk kanë besim që mbrohet vota, unë u kam thënë që votën do t'jua mbroj. Gjithçka buron nga vota, ajo duhet të mos tjetërsohet. Një grup nga qarku Durrës i dha një kandidati 21 mijë vota, aq vota nuk ka marrë as nga kryeministri, këta deputetë sot janë ndihmuar nga bandat. Shumë deputetë do të humbasin mandatin se janë zgjedhur nga bandat. Kam besim se do të jem në parlament. Dua që të hapen kutitë, votat janë manipuluar. Unë rikuperova në disa kuti 105 vota. Votat shikohen thjesht fare nëpërmjet videove të KQZ-së. Është deformuar vullneti i qytetarëve. Unë do të kërkoj të drejtën time dhe çështjen do ta çoj në Gjykatën Kushtetuese”, tha Kalaja./CNA





Lajmet e fundit nga