web counter
LEXO PA REKLAMA!

SHKARKO APP

App Store
Google Play

E fundit!

x

A do të jetë ministri i ri i qeverisë?/ Bido: Nuk kam ethe, Rama i paparashikueshëm

2 Shtator 2025, 09:09, Politikë CNA
A do të jetë ministri i ri i qeverisë?/ Bido: Nuk kam ethe, Rama
Ardit Bido

Më 11 shtator, kryeministri Edi Rama pritet që të prezantojë kabinetin e ri qeveritar pas fitores së mandatit të 4-t në zgjedhjet e 11 majit.

Në lidhje me emrat dhe pritshmëritë se mund të jetë në listën e ministrave të rinj, për emisionin "Now" me Erla Mëhillin, Ardit Bido është shprehur se Rama ka treguar se është i paparashikueshëm.

Bido tha se nuk ka asnjë informacion nëse Rama e ka përzgjedhur si ministër të qeverisë së re.

“Mënyra si Rama ka funksionuar në vijimësi që e bën të paparashikueshëm në mënyrën si e ndërton ekipin. Në fund të procesit të ndërtimit të këtij ekipi lajmëron anëtarët e kabinetit dhe opinionin publik. Nuk ka të bëjë me emra të posaçëm, nuk janë vetëm ministra, por edhe pozicione të tjera si kryetari i kuvendit etj., që bëjnë një mozaik të gjerë se si do funksionojë në këtë 4-vjeçar qeverisja e PS-së me objektivin kryesor për integrimin në BE, është rasti i parë që kemi një shans kaq të afërt në 2027. Qeveria është më tej se kabineti qeveritar, është gjithë ky mozaik… Unë për vete nuk kam ethe, edhe shumë kolegë me të cilët kam kontakt nuk e kanë këtë problem”, ka deklaruar Bido./ CNA





Lajmet e fundit nga