web counter
LEXO PA REKLAMA!

SHKARKO APP

App Store
Google Play

Pagat e ulëta/ Berisha: Do të plasin morri dhe zgjebja në të katër anët e vendit

3 Shtator 2025, 13:01, Politikë CNA

Pagat e ulëta/ Berisha: Do të plasin morri dhe zgjebja në të

Kryetari i Partisë Demokratike, Sali Berisha, në një deklaratë për mediat nga selia blu, denoncoi edhe një herë hendekun mes pagave minimale dhe atyre maksimale në vend, si dhe çmimet e larta të produkteve ushqimore apo atyre të higjienës.

Berisha bëri një paralajmërim ku përmes batutave tha se nëse detergjentët blihen 35 euro kur paga është ende 408 euro qytetarët do të infektohen nga zgjebja dhe parazitët. Kreu i PD-së krahasoi çmimet me vendet e rajonit dhe BE-së dhe akuzoi kryeministrin Rama se po shton pasurinë e tij ndërkohë që paga minimale vijon të jetë e pandryshuar sipas të dhënave të EUROSTAT.

 

"Shqipëria është vendi me hendekun më të madh mes pagave maksimale dhe atyre minimale. Sipas Eurostat, paga minimale ka mbetur 408 euro, ndërsa ajo maksimale 7000 euro, pra 15 herë më e madhe se paga minimale.

Paga minimale në vitin 2024 është rritur vetëm me 108 euro, paga maksimale është 4-fishuar.

Edi Rama caktoi pension për veten e tij 4000 euro, 10 rroga minimale, imagjinoni se çfarë amoraliteti dhe pashpirtësie.

Çmimet janë stratosferike, pyesni një amvisë që shkon dhe blen detergjentin 35 euro, kur në Gjermani kushton 18 euro. Ju garantoj se me këto çmime do të plasin morri dhe epidemia e zgjebes në katër anët e vendit.

Çfarë do të hanë njerëzit nëse blini në këtë mënyrë?

Do të kthehemi në vitin 1992 kur Shqipëria kaloi epideminë më të rëndë të zgjebes.

Shikoni djathin është 2.5 euro më i shtrenjtë se në Greqi. Paga mbetet po ajo ndërkohë që çmimet rriten mbi mesataren e Bashkimit Europian", tha Berisha./CNA

 

 

 





Lajmet e fundit nga