web counter
LEXO PA REKLAMA!

SHKARKO APP

App Store
Google Play

“Duhet të shërojmë plazhet e dhunuara”/ Rama, me dorë të hekurt: Do të ndalojmë muzikën në "beach bar"-e

4 Shtator 2025, 14:16, Politikë CNA

“Duhet të shërojmë plazhet e dhunuara”/ Rama, me

Kryeministri Edi Rama, në prezantimin e Strategjisë për Zhvillimin e Sektorit të Turizmit, ka deklaruar se Shqipëria ka plazhe të dhunuara, duke marrë këtu si shembull Ksamilin.

Sipas Ramës, plazhet nuk mund të jenë pre e injorantëve që e shohin si tokë për t’u pushtuar dhe për t’u sjellë me turistët si të ishin skllevër që mund të hanë edhe shkopin e çadrës në kokë.

Rama u shpreh se nuk ka arsye që Ksamili të jetë një plazh privat, me çmime marramendëse dhe shërbime mizerabël.

“Është ndër më të bukurit në botë, dhe nuk mund të jetë më pre e injorantëve që e shohin si tokë për t’u pushtuar dhe për t’u sjellë me turistët si të ishin skllevër që mund të hanë edhe shkopin e çadrës në kokë. Ne duhet të shërojmë plazhet e dhunuara, t’ua heqim nga dora privatëve. Nuk ka arsye që Ksamili të jetë një plazh privat, me çmime marramendëse dhe shërbime mizerabël”, tha Rama.

Po ashtu Rama u shpreh se do të ndalojë muzikën dhe do të reduktojë numrin e "beach bar"-eve.

“Kanë vënë 'beach bar'-e që çmendën Himarën! Shezlongë ku rrezikon të të penetrojë gozhda e ndryshkur”, u shpreh Rama./ CNA

 





Lajmet e fundit nga