web counter
LEXO PA REKLAMA!

SHKARKO APP

App Store
Google Play

E fundit!

x

“Nuk është momenti të largohem”/ Mediu: Koha që opozita të jetë përfshirëse, jo përjashtuese

7 Shtator 2025, 21:54, Politikë CNA

“Nuk është momenti të largohem”/ Mediu: Koha që

Kreu i Partisë Republikane, Fatmir Mediu është shprehur sot se opozita nuk duhet të jetë përjashtuese, por përfshirëse.

Në një dalje televizive, Mediu u ndal te situata politike në vend, teksa theksoi se detyrë e rëndësishme e opozitës është bashkimi rreth programeve dhe jo rreth individëve.

Sa i përket rolit të tij në PR, Mediu tha se nuk është momenti që të largohet nga drejtimi.

“Absolutisht që gjithmonë është një kohë që duhet të shikosh në një moment drejtimin politik dhe vendimet që duhet të marrësh dhe unë e kam thënë që nëse ka dy njerëz që i jam mirënjohës në procesin politik, njëri është Sabri Godo dhe Sali Berisha. Duhet parë rotacioni politik. Kjo nuk duhet parë vetëm për shkak të një momenti të ndjesisë personale.

Partia Republikane ka shumë njerëz të rinj me autoritet që e bëjnë të mundur drejtimin e Partisë Republikane, por në situatat që kemi pasur mendoj që ka nevojë për kontributet e të gjithëve. Nuk është momenti që opozita të jetë përjashtuese, por përfshirëse.

Detyra e parë është organizimi dhe funksionimi në çdo qendër votimi i Partisë Demokratike me të gjithë historikun e saj, bashkimi i opozitës rreth programeve jo rreth individëve, dhe përfshirja e çdo subjekti opozitar në këtë marrëdhënie”,-tha Fatmir Mediu./CNA 

 

 





Lajmet e fundit nga