web counter
LEXO PA REKLAMA!

SHKARKO APP

App Store
Google Play

Kur Ermonela Felaj bëhet konstitucionaliste, duhet grisur Kushtetuta

1 Shtator 2025, 15:19, Editorial CNA

Kur Ermonela Felaj bëhet konstitucionaliste, duhet grisur Kushtetuta

Ermonela Felaj ka bërë një status në profilin e saj në "Facebook", ku sipas saj kalkulon afatet se kur duhet të mblidhet Kuvendi i ri. Nuk kuptohet shumë mirë se kujt po i jep urdhra Ermonela me llogaritjet që bën.

Felaj është ende Nën/Kryetare Kuvendi deri në konstituimin e Kuvendit të ri.
Por teksti i Felajt nuk kalkulon se kur i mbaron mandati asaj, por rreket të urdhërojë se kur duhet të nisë mandati i Kuvendit të ri. Nuk dihet se me cilin e ka debatin Felaj, por meqë në statusin e vet sugjeron që të lexohen nenet 65 dhe vijues të Kushtetutës, u bëmë kuriozë dhe hapëm Kushtetutën.

Neni 65
1. Kuvendi zgjidhet çdo 4 vjet. Mandati i Kuvendit fillon me mbledhjen e parë të tij pas zgjedhjeve dhe përfundon në të njëjtën datë të të njëjtit muaj të vitit të katërt nga data e mbledhjes së parë. Në çdo rast, Kuvendi qëndron në detyrë deri në mbledhjen e parë të Kuvendit të ri të zgjedhur.

Kur Ermonela Felaj bëhet konstitucionaliste, duhet grisur Kushtetuta
Neni 65, Kushtetuta e Republikës së Shqipërisë

Neni 67
1. Presidenti i Republikës e mbledh Kuvendin e porsazgjedhur jo më parë se data e përfundimit të mandatit të Kuvendit paraardhës, por jo më vonë se 10 ditë pas mbarimit të këtij mandati.

Kur Ermonela Felaj bëhet konstitucionaliste, duhet grisur Kushtetuta
Neni 67, Kushtetuta e Republikës së Shqipërisë

Po besojmë kryesisht që zonja Felaj e di saktë datën 10 shtator si datë e fillimit të legjislaturës së re. 
Atëherë nëse lexojmë nenin 67 të Kushtetutës, shprehja "jo më vonë se 10 ditë pas përfundimit të këtij mandati", do të thotë që data më e fundit e thirrjes së Kuvendit të ri, është data 21 shtator.
21 shtator është baraz me "jo më vonë se 10 ditë pas datës 10 shtator". Nga kjo llogari del që Presidenti (dhe jo Ermonela) mund të thërrasë Kuvendin në mbledhjen e parë jo më vonë se data 21 shtator që është (jo më vonë se 10 ditë pas përfundimit të mandatit të Kuvendit ekzistues).

Me pak fjalë, nëse marrim të mirëqenë datën 10, (që na e thotë Ermonela si datë e përfundimit të mandatit të Kuvendin ekzistues), Kushtetuta i ka lënë 10 ditë hapësirë mbledhjes së Kuvendit të ri.

Por Ermonela thotë jo!

Kuvendi duhet mbledhur më datë 10 shtator, thotë Ermonela, edhe i fut edhe një "Tung" nga pas.
Me llogaritë e Ermonelës, nuk kuptohet se pse qenkan lodhur t'i shkruajnë ato "nenet 65 e vijues" të Kushtetutës. Qenka e thjeshtë! Me "dispozitën Felaj", Kuvendi mblidhet çdo 10 shtator.

Sa keq që askush më parë nuk e ka lexuar kështu dhe Kuvendi ka pasur data të ndryshme të konstituimit në shtatorë të ndryshëm.

Lum si Kuvendi për Ermonelën që paskësh!/CNA 





Lajmet e fundit nga