web counter
LEXO PA REKLAMA!

SHKARKO APP

App Store
Google Play

"Rashë në kurth"/ Eva Murati bën pas për deklaratat ndaj djalit të Jozefina Topallit

16 Shtator 2025, 19:16, Lifestyle CNA

"Rashë në kurth"/ Eva Murati bën pas për

Moderatorja Eva Murati ka reaguar për komentin e saj që bëri jo pak bujë në lidhje me dasmën e ish-partnerit t saj, Genar Topalli dhe modeles Cindy Marina.

Në një dalje televizive ditën e sotme, moderatorja Murati ka bërë pas duke deklaruar se ka rënë në kurth nga provokimet e një adrese në TikTok.

Moderatorja më tej ka shtuar se u bë pjesë padashur  e një  telenovele mediatike. Gjithashtu ka uruar jetë të lumtur për të gjithë.

“Besoj se shumë njerëzve u ka ardhur si bombë, pasi nuk është në natyrën time të shkruaj kështu apo të merrem me deklarata të tilla.

 Më vjen keq për gjithë këtë sepse rashë totalisht në kurth. Ishte një përgjigje e kthyer pas provokimeve të njëpasnjëshme në anglisht nga e njëjta adresë, dhe për t’ia mbyllur gojën u krijua kjo situatë e pakëndshme. E them me bindje kurth, sepse gazetat e morën në mënyrë të njëpasnjëshme komentin gjë që nuk kishte ndodhur më parë. Fatkeqësisht dhe padashur, u bëra pjesë e një telenovele që realisht nuk dua të jem pjesë. Jetë të lumtur për të gjithë”, tha Eva Murati në një dalje televizive ditën e sotme.

 

Komenti i moderatores sportive, Eva Murati që mori vëmendjen mediatike, u bë nga ajo në një video të saj në TikTok ku replikonte me një komentues.

 

“Nuk dua që miliona shqiptarë të më dëshirojnë vdekjen sepse po mburrem me para që mund të jenë të vjedhura nga fondet publike.  E di që më ndjek çdo ditë, por ta bësh këtë një ditë pas dasmës tënde është më shumë se patetike”, shkruante moderatorja në komentin e saj./ CNA





Lajmet e fundit nga