web counter
LEXO PA REKLAMA!

SHKARKO APP

App Store
Google Play

Pse gazetarët e pushtetit nuk i kërkojnë dorëheqjen Erion Veliajt

4 Dhjetor 2025, 16:33, Editorial CNA

Prej nëntë muajsh në burgun e Durrësit, i arrestuar me vendim gjykate që është lënë në fuqi në të gjitha nivelet e saj, Erion Veliaj, kryebashkiaku i Tiranës, mban peng kryeqytetin.

Me një shkarkim që Gjykata Kushtetuese e gjeti të padrejtë, qeveria i dha hapësirën Erion Veliajt të shkonte dhe të kërkonte të mbante postin e tij.

Kështu tha dhe Gjykata Kushtetuese, meqenëse Erioni nuk ishte dëgjuar në Këshill Bashkiak, shkarkimi ishte i padrejtë.

Se kush e pengoi Erionin për të mos shkuar, kjo tashmë dihet. SPAK-u në atë kohë, prokurorët i thanë se ai mund të ishte në disa forma në mbledhjen e Këshillit Bashkiak, ku mund t'u drejtoheshe me një letër këshilltarëve të PS-së, nëpërmjet avokatëve të tij ose forma të tjera. Por Veliaj nuk e pranoi, duke kërkuar që të shkojë fizikisht.

Më pas qe Gjykata Kushtetuese që e kërkoi në seancë. Veliaj u paraqit dhe fitoi qëndrimin në detyrë. Por sërish ai vazhdon të ketë 13 akuza të rënda penale dhe një dosje tjetër nën hetim.

Deri në këto momente, asnjëherë të vetme nuk kemi parë që gazetarët e pushtetit të kërkojnë dorëheqjen e tij.

Nuk besojmë dhe shpresojmë se Mero Baze, gazetari i familjes Veliaj, me portalin e tij, do t'ia kërkojë dorëheqjen.

Por ka të tjerë, si Carlo Bollino, i cili thotë se në rast se Gjykata Kushtetuese e rrëzon ose jo, zëvendëskryeministrja Balluku duhet të japë dorëheqjen.

Po pse Carlo nuk ia ka kërkuar dorëheqjen dhe Erion Veliajt?

Shumë mirë, me dinjitet i kërkon dorëheqjen zonjës Balluku. Ndoshta mund t'ia kërkonte edhe menjëherë, se asaj iu komunikua akuza.

Po Erion Veliajt pse nuk i kërkohet dorëheqja?

Standard, po të duan, e kanë në rastin ‘Mogherini’, të mikeshës së tyre, të pushtetit, e cila u arrestua dy ditë më parë, të nesërmen dha dorëheqjen nga rektore, pozicioni që mbante.

Erion Veliaj është kryebashkiak i Tiranës, ka nëntë muaj dhe nuk jep dorëheqjen, të bëhen zgjedhje në Tiranë, të ketë një kryetar bashkie që drejton qytetin.

Pse nuk ia kërkojnë dorëheqjen gazetarët?

Siç theksuam edhe më lart, nuk shpresojmë që dorëheqjen t'ia kërkojë gazetari i familjes Veliaj, Mero Baze. Po Carlo, Lorenc Vangjeli, Sokol Balla, Skënder Minxhozi, e shumë e shumë të tjerë, më pas që janë zare përballë këtyre zërave.

Si ka mundësi që në asnjë rast, prej nëntë muajsh, nuk thonë një fjalë të vetme për kryebashkiakun që të dorëhiqet? Sepse po mban peng kryeqytetin.

Të dorëhiqet, të përballet me drejtësinë, po fitoi të kthehet triumfator, po humbi të shkojë të kryejë dënimin. Është kaq e thjeshtë. Por s'mund ta mbajë peng qytetin sepse kjo tregon se kush është në të vërtetë Erion Veliaj, në formimin e tij.

Përtej kësaj, një tufë gazetarësh që kanë ngelur pa njëfarë dinjiteti, nuk kanë as kurajën t'i thonë, "Ti duhet të largohesh", që qyteti të vazhdojë të zhvillohet, se nuk u përmbys bota.

Është apo nuk është në detyrë Erion Veliaj, nuk mbaruan as administratorët, as drejtuesit dhe menaxherët e zotë, për të marrë Tiranën në dorë.

Por kjo na tregon edhe njëherë se si janë pleksur ata gazetarët e pushtetit që janë kaq të pështirë dhe kaq të fëlliqur, sa nuk kanë turp për dy, tre, katër, pesë, shtatë, dhjetë standarde të ndryshme që kanë përballë opinionit publik, i cili në fakt tashmë i lexon shumë thjeshtë dhe ka kuptuar se kemi të bëjmë me një tufë sharlatanësh që nuk kanë kurajë as t'i kërkojë dorëheqjen pagatorit të tyre që ndodhet në burgun e Durrësit.

Ndoshta shijojnë paratë që vazhdojnë të marrin akoma, edhe pse Erioni qëndron në qeli./ CNA

 





Lajmet e fundit nga