web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa e Erion Veliajt për "show"/ Prokurorët refuzojnë firmat e ish-deputetit të PD-së

20 Nëntor 2025, 13:54, Aktualitet CNA


Këshilltarët e majtë të Këshillit Bashkiak të Tiranës, me në krye Halit Valterin, ish-deputet i Partisë Demokratike, kanë kërkuar që kryebashkiaku i arrestuar, Erion Veliaj, të jetë prezent në mbledhjen e së premtes, ku në rend dite është buxheti i vitit 2026.

Në pamundësi për të qenë prezent fizikisht, kanë kërkuar që Veliaj të jetë prezent online.

Kërkesa e Erion Veliajt për "show"/ ProkurorëtKërkesa e Erion Veliajt për "show"/ Prokurorët

Dy prokurorët, Ols Dado dhe Altin Dumani, pas kërkesës së këshilltarëve, e kanë refuzuar. 

E kanë refuzuar pasi ligji parashikon qartësisht dy raste kur prokurori jep lejet: takimet në institucion, pra kërkesat që bëhen nga individë të ndryshëm për të takuar një të arrestuar, që mund të jenë familjarë, avokatë, njerëz të ndryshëm. Lejen e jep prokurori dhe e miraton Drejtoria e Përgjithshme e Burgjeve, pra për takimet në institucion.

Dhe së dyti janë lejet e veçanta. Ligji e parashikon saktësisht se përfshihen raste vdekjesh, lindjesh, sëmundje të rënda të përcaktuara me raport mjekësor dhe rastet e provimeve, kur dikush është duke vijuar studimet.

Dhe ligji është shterues. Prokurorët e kanë refuzuar, pasi ligji nuk parashikon që një individ mund të jetë në burg dhe të dalë online në një takim. Pikat janë mbi "i".

Prandaj prokurorët kanë refuzuar kërkesën e këshilltarëve socialistë, të iniciuar nga Halit Valteri, që Erion Veliaj të ishte prezent për të diskutuar për buxhetin, megjithëse duket absurde kur Veliaj prej shumë muajsh nuk është në detyrë dhe do të ishte thjesht për të lexuar një raport apo për të bërë "show"./CNA





Lajmet e fundit nga