web counter
LEXO PA REKLAMA!

SHKARKO APP

App Store
Google Play

E fundit!

x

Universiteti i Shkodrës kërkon më shumë buxhet/ Gjuraj: Nga 639 milionë që kemi, kërkuan 700

20 Nëntor 2025, 13:47, Aktualitet CNA

Universiteti i Shkodrës kërkon më shumë buxhet/ Gjuraj: Nga

Universiteti i Shkodrës ka kërkuar një rritje të buxhetit pranë qeverisë shqiptare për vitin 2026 për shkak se është rritur numri i bursave, por edhe i programeve të reja të studimit. Një gjë të tillë rektori Gjuraj e bëri të ditur gjatë mbledhjes të senatit akademik…

 

“Ditën e shtunë në Shkodër do të jetë i pranishëm Presidenti i Republikës, Bajram Begaj, për Ditën e Alfabetit dhe është mirë për ne si universitet që Presidenti zgjodhi të jetë në Shkodër duke qenë se është hera e parë që kjo ditë është pushim zyrtar. Kemi qenë të ftuar në seancën dëgjimore për projektligjin Buxheti 2026 i qeverisë ku në Komisionin për Edukimin kemi paraqitur kërkesat tona buxhetore për vitin 2026. Dy-tri kërkesa buxhetore kryesore që mbeten një kërkesë e përhershme e jona është së pari rritja e grantit të mësimdhënies dhe kjo nuk është qëllim më vete. Ne kemi kërkuar 700 milionë nga 629 milionë që ka qenë vitin e kaluar. Kam përforcuar kërkesën që njëra prej dy godinave, ajo e ish-sanatoriumit ose e ish-spitalit psikiatrik t’i kalojë në pronësi universitetit të Shkodrës”, tha rektori.

 

Rektori Gjuraj u shpreh se universiteti i Shkodrës ka bërë kërkesë edhe për akreditimin e 39 programeve të studimit, ndërsa kërkoi nga Fakulteti i Shkencave Shoqërore që të hapet një program bachelor për studimet albanologjike nxitur nga një kurs që do të jetë për certifikimin e gjuhës shqipe për mësimin e shqipes nga të huaj apo edhe shqiptarë…

 

“Ne tashmë kemi nisur procesin e akreditimit të programeve. Janë tri programe që strehohen te Fakulteti i Shkencave të Edukimit që ka nisur procesi dhe kemi aplikuar gjithashtu për akreditimin e të gjitha programeve të studimit që janë 39 programe dhe e kemi realizuar aplikimin para disa ditëve kështu që jemi në rrugë të mbarë. Do të kemi një kurs të certifikimit të gjuhës shqipe për shqiptarë dhe të huaj që dëshirojnë të mësojnë gjuhën shqipe. Do të diskutojmë detajet për këtë gjë dhe shkon në një linjë me përpjekjet që po bëjmë me Diasporën Akademike për të pasur mundësinë ky universitet që ndryshe nga universitetet e tjera për të ofruar një master profesional për mësuesit e Diasporës. I kërkoj Fakultetit të Shkencave Shoqërore dhe Qendrës së Studimeve Albanologjike meqë po bëjmë këto përpjekje të arrijnë të realizojnë një program bachelor për studimet albanologjike. Një pikë që pritet të ndryshojë në ligj është që mësimi të jepet edhe fizikisht edhe online dhe meqenëse kërkesat janë të mëdha kërkoj që të ulen dhe ta shikojnë me seriozitet këtë program të albanologjisë”, u shpreh Gjuraj.

 

Në mbledhjen e Senatit rektori Gjuraj tha se vitin e ardhshëm puna në shkollat e mesme për të thithur sa më shumë studentë për universitetin “Luigj Gurakuqi” do të fillojë që në muajin mars, më herët se vitet e mëparshme.





Lajmet e fundit nga