web counter
LEXO PA REKLAMA!

SHKARKO APP

App Store
Google Play

E fundit!

x

Situata nga reshjet në Qarkun e Korçës e përmirësuar/ Disa fshatra ende pa energji

20 Nëntor 2025, 09:16, Aktualitet CNA

Situata nga reshjet në Qarkun e Korçës e përmirësuar/

Situata nga reshjet në Qarkun e Korçës paraqitet e qetë dhe më e normalizuar.

Prefektura Korçë ka shpërndarë një përditësim të situatës në të gjitha bashkitë e qarkut.

Në disa fshatra vijohet ende të ketë ndërprerje të energjisë elektrike.

 

Njoftimi

 

Bashkia Korçë

Fshati Çiflig:

Është raportuar prezencë uji në oborret e 3 banesave në fshatin  Çiflig, janë prekur vetëm hangarë me bazë blegtorale. Grupet e terrenit dhe administratori i njësisë janë në terren dhe po vijon puna për pastrimin e kanaleve dhe largimin e ujërave të mbledhura.

 

Fshati Vinçan:

Rruga e fshatit Vinçan pati shkarje dherash. Administratori i Njësisë Administrative, së bashku me Ndërmarrjen e Shërbimeve të Bashkisë ndërhynë dhe u pastruan inertet. Rruga është e hapur pa probleme.

 

Bashkia Maliq

Në zonën e minierës në fshati Qenckë si pasojë e shkarjeve të dherave pati prezencë inertesh ne rrugë të cilat u pastruan nga kontraktori. Rruga është e hapur vijon normalisht qarkullimi i  mjeteve.

 

Nga Drejtoria Rajonale Qendër-Lindje (ARRSH) situata në akset rrugore kryesore paraqitet e normalizuar. 

 

Aksi i vjetër Korçë–Ersekë (Qarri)

Janë konstatuar shkarje dherash, kontraktori është në terren me mjetet përkatëse për pastrimin e rrugës.

 

Ekipet e OSHEE-së po punojnë për rregullimin e defekteve dhe situata aktualisht është;

 

Rajoni Korçë: Fideri Vithkuq (n/st Rehovë) pa energji – zonat Protopapë, Peshtan, Mazrekë, Pulahë.

208 abonentë pa energji.

Bilisht: Fideri 8 (n/st Bilisht) pa energji.

1444 abonentë pa energji.

Fideri 1 pa energji – Qinam, Skorovodë, Kreshovë: 60 abonentë.

Fideri 6 pa energji – Panarit, Ballabanovë, Treskë, Grabockë: 50 abonentë.

Maliq dhe Pogradec: Nuk raportohen probleme.

Totali i abonentëve pa energji: 1,762

 

Drejtoria e Ujitjes dhe Kullimit:

Pavarësisht nga intensiteti i rreshjeve, situata në lumin Devoll e Dunavec, paraqitet pa problematika. Ka vetëm një pasyrë uji në tokë bujqësore (pjesa e gropës).

Strukturat vendore dhe ekipet e emergjencave vijojnë monitorimin dhe ndërhyrjet në të gjitha zonat problematike. Deri në këto momente nuk raportohen situata të tjera që paraqesin rrezik për qytetarët apo banesat.





Lajmet e fundit nga