E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

‘Crit Club’ vjen në Tiranë/ Një debat i shoqëruar me duel skerme

19 Nëntor 2025, 16:56, Aktualitet CNA

‘Crit Club’ vjen në Tiranë/ Një debat i

Khrais – Tërshana do të sjellë premierën e Crit Club në Tiranë, një performancë e artistit Cem A. ku dy ekipe debatojnë një pyetje jorealiste për artin, e shoqëruar me një sport.

Të dielën, më 30 nëntor 2025, ora 19:00, në Hollin e Godinës Kryesore të Universitetit të Arteve Tiranë, ky edicion do të debatojë “A i bën mirë tregu artistëve?”.

Një pyetje me rëndësi globale, ajo bëhet veçanërisht urgjente në kontekstin e institucioneve të Ballkanit Perëndimor, ku studentët e artit pas diplomimit duhet të lundrojnë në ekosisteme pa infrastrukturë tregu dhe të përballen me dilema të vërteta në lidhje me modelin ekonomik të praktikës së tyre artistike.

Crit Club e trajton mosmarrëveshjen si lojë kritike: një ekip argumenton pro, tjetri kundër, dhe më pas ndërrrojnë rolet në mes të performancës. Gjatë intervalit zhvillohet një duel sportiv duke e kornizuar kritikën si sport mendor të rregulluar përmes rregullave dhe ritualeve. Ky format është prezantuar ndërkombëtarisht, përfshirë Berlin Art Week, Rokolectiv Bukuresht, Alserkal Avenue Dubai dhe Art Basel Hong Kong.

‘Crit Club’ vjen në Tiranë/ Një debat i

Crit Club Tirana do të ketë në panel: Flaka Haliti-artiste & pedagoge (Prishtinë/Berlin), Dr. Stephanie Dieckvoss-pedagoge & hulumtuese e tregjeve të artit (Londër), Ilija Prokopiev-kurator & botues (Ljubljanë / Shkup) dhe Elian Stefa-drejtor i Rrjetit të Arteve Pamore të Shqipërisë (Tiranë).

Diskutimi do të zhvillohet në anglisht dhe do të moderohet nga Övül Ö. Durmu?o?lu, kuratore, shkrimtare & pedagoge (Berlin).

Në kuadër të Crit Club Tirana do jetë eventi i parë publik i Federatës Shqiptare të Skermës të cilët kanë ftuar skermista profesionist për një duel.

Crit Club Tirana është një aktivitet falas, por numri i vendeve është i kufizuar dhe nevojitet rezervim paraprak.

Link-u për rezervime: Kliko këtu