E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Moti i keq në vend/ Autoritetet: Ja si paraqitet situata në Lezhë, Kurbin dhe Mirditë

19 Nëntor 2025, 10:09, Aktualitet CNA

Moti i keq në vend/ Autoritetet: Ja si paraqitet situata në

Moti i keq që ka përfshirë disa qarqe të vendit ka krijuar disa problematika edhe në Qarkun Lezhë, ku gjatë 24 orëve të shkuara është përfshirë nga reshje shiu me intensitet mesatar në të lartë, e shoqëruar me erë të fortë.

Autoritetet bëjnë me dije se në Bashkinë Kurbin puna është ndarë në dy grupe, të cilët do operojnë në Njësine Mamurras me pastrim të kanaleve me mjete të bashkisë dhe në Shpërdhet në argjinaturën e lumit Drojë, si dhe sistemim e largim inertesh e aluvionesh të mbetura.

Grupi tjetër, së bashku me mjetin e FA-së, të ardhur që në orët e mëngjesit një grup prej 4 vetave me dy mjete, një eskavator me zinxhirë dhe një kamion i tonazhit të rëndë me rimorkiator, do kërkojë të bëjë të mundur sistemim të rrugës në aksin Skuraj-Vinjollë-Gallatë, si dhe mbushjen tek këmbët e urës së dëmtuar nga prurjet e lumit Skuraj gjatë ditës së djeshme. Niveli i lumit Drojë ka pësuar rënie të vogël krahasuar me ditën e djeshme.

Gjatë natës, një fider ka pësuar defekt, fidera e Gjormit, për të cilën po punohet dhe shumë shpejt do vihet në punë, kurse problem ngelet dëmtimi i linjës që furnizon fshatrat Skuraj, Gallatë e Vinjollë, për shkak të dëmtimit të linjës e cila shtrihet përgjatë lumit Vinjollë. Në njësinë Mamurras janë dislokuar dhe një grup prej 7 efektivësh të FA me një varkë për të ndërhyrë në raste nevoje për evakuim.

Mësimi vazhdon normalisht në të gjitha shkollat, për shkak të dëmtimit të një segmenti rrugor është e pamundur vajtja e një grupi nxënësish të fshatit Shpërdhet, njësia Mamurras, por dhe këtu mësimi zhvillohet normalisht.

Nga strukturat e Mbrojtjes Civile të bashkisë Lezhë raportohet se ka pasur prezencë uji në oborrin e shkollës “Nënë Tereza”, është punuar deri në orët e vona të natës dhe tani në mëngjes nga strukturat bashkiake. Me mjetet dhe forcat bashkiake do vazhdojë puna për pastrimin e rrugëve, pusetave, etj.

Aktualisht mësimi vazhdon normalisht në të gjitha shkollat. Familjet e evakuara janë sistemuar në konviktin e shkollës Kolin Gjoka, ku dega e Kryqit të Kuq Lezhë do t'u ofrojë ndihma ushqimore të shportës.

Nga strukturat e Mbrojtjes Civile të bashkisë Mirditë raportohet se problematik mbetet aksi rrugor Rreshen-Bukmirë, Njësia Administrative Rreshen, ku ka prezencë gurësh në rrugë dhe gërryerje në bazamentin e rrugës. Në akset e rrugeve rurale ka dëmtime pasi dalja e përrejve malor ka sjellë gërryerje./CNA