E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

"Nuk do të hapen portat"/ Balluku inspektim në Koman: Kemi volume të lira, Fierza është mbyllur

18 Nëntor 2025, 19:20, Aktualitet CNA

"Nuk do të hapen portat"/ Balluku inspektim në Koman: Kemi

Ministrja e Infrastrukturës dhe Energjisë Belinda Balluku e shoqëruar nga drejtori i KESH, Erald Elezi inspektuan situatën e krijuar si pasojë e reshjeve intensive në Koman.

Balluku tha se pritet një agravim i kushteve meteorologjike, por nuk do të ketë hapje të portave sepse është punuar për lirimin e volumeve dhe ka kapacitet të lirë.

"Pritet një agravim tjetër të premten por nuk parashikohet një hapje portash sepse kemi kapacitetet dhe volume. Kemi 4.5 m hapësirë në Vaun e Dejës dhe 7 m në Koman. Kemi punuar që nga fillimi i nëntorit për hapjen e hapësirave. Për energjinë këto janë prurje të mirëpritutra, 167m mbi nivelit e detit, 7 metra afër kuotës maksimale.

Edhe në Dibër ka intensitet reshjesh një gjë jo normale. Në veri dhe verilindje situata më problematike", tha Balluku.

Kreu i KESH tha se do të merren masa që të mos ketë shkarkime pa prodhim. Erald Elezi tha se reshjet do të ndihmojnë në përmirësimin e situatës me energjinë elektrike pas një viti të thatë.

Elezi deklaroi se liqeni i Fierzës është mbyllur që të mos krijohen probleme në Koman dhe me qëllim që të akumulohet sa më shumë ujë.

"Do të marrim masa që të mos kemi shkarkime pa prodhim.

Në Vaun e Dejës prurjet janë 200 m kub/s, Fierza vijon të qëndrojë e mbyllur për të mos krijuar problematika në Koman dhe për të akumuluar sa më shumë sai uji. Jemi në koordinim me strukturat e tjera.

Ka një kalim të frontit në basenin e Fierzës, me një sasi reshjesh në Theth, por aty mund të akumulojmë.

Të katër agregatët janë në punë dhe nuk ka asnjë problem, këto evente reshjesh na ndihmojnë me situatën.

Në Vaun e Dejës të pesë agregatët janë në funksion, portat janë të gjitha të certifikuara për pritjen e rasteve të emergjencës.

Liqeni i Fierzës ka arritur në 71m mbi nivelin e detit", deklaroi Elezi./CNA