web counter
LEXO PA REKLAMA!

SHKARKO APP

App Store
Google Play

E fundit!

x

“Unë jam i lirë, kurse ai në burg”/ Aulon Kalaja: Veliaj i shmanget përballjes me mua në gjykatë

18 Nëntor 2025, 16:10, Aktualitet CNA

“Unë jam i lirë, kurse ai në burg”/ Aulon Kalaja:

Ish-kandidati për deputet i Partisë Demokratike, Aulon Kalaja është shprehur sot se për të tretën herë, kryebashkiaku i Tiranës Erion Veliaj nuk është paraqitur në gjykatë për padinë e ngritur ndaj tij.

Përmes një postimi në rrjetet sociale, Kalaja thekson se edhe një herë, Veliaj i është shmangur përballjes me të për të tretën herë.

Kalaja shton se nuk do të bëjë asnjë hap pas, për të provuar një herë e mirë se kush është shpifësi.

“As të tretën herë Kryetari i Bashkisë Tiranë Erion Veliaj, nuk paraqitet në gjykatë, në padinë që ka bërë ndaj meje!

I shmanget prap përballjes me mua. Gjykata i dha mundësinë për t’u interesuar dhe për të ardhur për vetë çështjen që ai ka hapur ndaj meje.

Gjyqtarja e çështjes e shtyu seancën me datë 26 nëntor, ora 14:00, duke vendosur se Veliaj duhet të vijë nga burgu dhe të dalë para gjykatës. Kësisoj të mos shmanget nga padia që ka ngritur po vetë, ndaj meje.

Ndërkohë unë pres përballje dhe nuk do të bëj asnjë hap pas. Do të ndahet një herë e mirë se kush është shpifës dhe përse hapen të tilla çështje ndaj meje në gjykatë. Padi “SLAP”, që kërkon të më mbajë varur, por me manovra të tilla nuk do shkojë gjatë, sepse hallin që ka ai, nuk ia zgjidh dot unë!

Shkurt fare, këto quhen padi strategjike, që duan të intimidojnë, t’a mbajnë nën presion dhe friksojnë kundërshtarin, mua në këtë rast, si gazetar, aktivist dhe politikan.

Unë jam i lirë, kurse ai në burg…”,-shkruan Kalaja./CNA





Lajmet e fundit nga