web counter
LEXO PA REKLAMA!

SHKARKO APP

App Store
Google Play

E fundit!

x

Probleme me energjinë elektrike në Vaun e Dejës/ Preçi: Po kryhet pastrimi i Përroit të Glinës

18 Nëntor 2025, 13:52, Aktualitet CNA

Probleme me energjinë elektrike në Vaun e Dejës/ Preçi: Po

Këtë të martë, territori i Bashkisë Vau Dejës është përfshirë nga reshje intensive shiu.

Strukturat e emergjencave civile dhe shërbimeve publike vijojnë të jenë në terren që mbrëmjen e kaluar, duke monitoruar situatën.

Në bashkëpunim me bordin e kullimit, po vijon puna për pastrimin e Përroit të Glinës, një prej pikave më problematike gjatë reshjeve intensive. Ndërkohë që problematike mbetet shkëputja e energjisë elektrike.

“Situata deri në këto momente është e qetë. Strukturat e emergjencave civile dhe sherbimeve publike janë në terren që mbrëmjen e kaluar. Në bashkëpunim me bordin e kullimit po bëjmë të mundur pastrimin e Përroit të Glinës, që vazhdimisht është problematik, në mënyrë që situatën ta kemi nën kontroll. Shpresojmë të mos kemi përkeqësim të motit. Problematika është tek energjja elektrike dhe shpresojmë të rikthehet sa më parë”,-tha Elvis Preçi, Zëvendëskryetar i Bashkisë Vau Dejës.

Vau i Dejës mbetet në fokus të monitorimeve për shkak edhe të rrezikshmërisë që paraqet Përroi Glina, ku vetëm disa javë më parë doli nga shtrati duke përmbytur rreth 100 banesa./CNA





Lajmet e fundit nga