web counter
LEXO PA REKLAMA!

SHKARKO APP

App Store
Google Play

E fundit!

x

Reshjet e dendura/ Prurjet e lumit Droja bllokojnë 80 familje në Kurbin

18 Nëntor 2025, 13:32, Aktualitet CNA

Reshjet e dendura/ Prurjet e lumit Droja bllokojnë 80 familje në

Rreth 80 familje në fshatin Shpërdhet të Kurbinit kanë mbetur të izoluara, për shkak të shembjes së rrugës nga prurjet e shumta të lumit Droja. Segmenti rrugor ka pësuar shembje në një gjatësi rreth 100 metra, duke bllokuar lëvizjen e banorëve.

Në prononcimet e tyre për mediat, banorët thonë se kjo është një situatë e përsëritur. Ata shprehen se askush nuk ka vënë dorë në këtë rrugë dhe nuk ka zgjuidhje pëër rastet e emergjencave.

 

“Këtu para 2 vitesh e njejta situatë.Në demokraci askush nuk ka vënë dorë në këtë rrugë. E gjithë lagjia jemi të bllokuar. Ne jemi 80 familje me rreth 350 persona. Ishalla vjen dikush e vë dorë”, tha një banor.

 

Banorët e Shpërdhetit shprehen se nga kjo situatë është bllokuar i gjithë fshati.

 

“Sa herë bie shi ktu kemi përmbytje. Ky është uji i rrëmbyeshëm dhe nuk kemi mundur ta presim me asnjë pritë. Para 2 vitesh sollën një eskavator por asgjë. Sot është pezulluar i gjithë fshati. Nuk mund të lëvizim. Po të kemi ndonjë emergjencë duhet ta mbajmë me krah”, tha një tjetër banor.

 

Problematika ka patur edhe në Rubik, si dhe në rrugën e Kombit.Një masiv shkëmbor u shemb në Rubik duke bllokuar njërin kah të lëvizjes.





Lajmet e fundit nga