web counter
LEXO PA REKLAMA!

SHKARKO APP

E fundit!

x

Moti i keq/ Kurbini, bashkia më e prekur në rang vendi

18 Nëntor 2025, 18:19, Aktualitet CNA

Moti i keq/ Kurbini, bashkia më e prekur në rang vendi

Ministri i Mbrojtjes, Pirro Vengu dhe Drejtori i Përgjithshëm i Emergjencave Civile, Haki Çako kanë zhvilluar një takim në Prefekturën e Lezhës mbi situatën e motit në vendin tonë.

Vengu ka bërë me dije se bashkia më e prekur nga moti i keq në rang vendi është Kurbini.

“Janë 50 banesa të prekura në zonën e Mamurrasit dhe 40 të tjera në Milot, çfarë e bën zyrtarisht Bashkinë e Kurbinit, bashkinë më të prekur në rang vendi”, deklaroi Vengu.

"Në orët e para të mëngjesit kemi patur situata komplekse sidomos në bashkinë Kurbin. Ka patur ndërhyrje nga Bordi i kullimit por nga ana tjetër kemi patur edhe vërshime nga përrenjt. Kemi situata ku na duhet të vijojmë ndërhyrjet me eskavator", u shpreh ai. 

Zyrtarët kanë paralajmëruar se duhet të përgatitemi për një front të dytë meteorologjik që pritet në vijim./ CNA





Lajmet e fundit nga