E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Ministria e Shëndetësisë publikon planin e masave për zonat e prekura nga përmbytjet/ Apel qytetarëve: Ndiqni njoftimet zyrtare

18 Nëntor 2025, 21:06, Aktualitet CNA

Ministria e Shëndetësisë publikon planin e masave për zonat

Ministria e Shëndetësisë ka publikuar planin e masave që po ndërmerren nga institucionet shëndetësore për situatën e përmbytjeve në disa zona të vendit.

Plan i masave do të shtrihet në zonat me reshje më të dendura si Kurbin, Mat, Lezhë, Shkodër, Malësi e Madhe, Tropojë, Kukës dhe Has.

Ministria u bën thirrje qytetarëve që të ndjekin njoftimet zyrtare pasi OSHKSH do të jetë në gatishmëri 24 orë.

Masat parashikojnë pajisjen e spitaleve rajonale me medikamente, material mjekësor, ujë të pijshëm, karburant dhe gjeneratorë, aktivizim të plotë të shërbimeve të urgjencës si dhe monitorim të vazhdueshëm.

"Prej mbrëmjes së kaluar, reshje intensive shiu kanë përfshirë disa zona të vendit. Struktura në varësi të Operatorit të Shërbimeve të Kujdesit Shëndetësor janë në gatishmëri të plotë 24/7 dhe po monitorojnë situatën në kohë reale.

Masat e marra në institucionet shëndetësore:

Monitorim i vazhdueshëm i situatës nga operatorët rajonalë të kujdesit shëndetësor & njësitë vendore

Verifikim i infrastrukturës, pajisjeve dhe rezervave të medikamenteve. Koordinim i ngushtë me pushtetin vendor dhe strukturat e emergjencave civile.

Aktivizim i plotë i shërbimeve spitalore të urgjencës.

Spitalet rajonale e bashkiake raportojnë se rezervat kritike (medikamente, material mjekësor, ujë të pijshëm, karburant për gjeneratorë) janë të siguruara dhe gati për përdorim.

Zonat me reshje më të dendura:

Kurbin, Mat, Lezhë, Shkodër, Malësi e Madhe, Tropojë, Kukës dhe Has aktualisht pa problematika në ofrimin e shërbimeve shëndetësore dhe me funksionim normal të strukturave.

OSHKSH mbetet në komunikim të pandërprerë për çdo rast emergjent dhe situatë që kërkon ndërhyrje të menjëhershme.

Ju lutemi, ndiqni njoftimet zyrtare dhe shmangni lëvizjet e panevojshme në zonat e rrezikuara", thuhet në njoftim./CNA