web counter
LEXO PA REKLAMA!

SHKARKO APP

App Store
Google Play

E fundit!

x

Të dyshuara se janë përfituar nga veprimtari kriminale/ Sekuestrohen 3.5 milionë euro pasuri

19 Nëntor 2025, 14:09, Aktualitet CNA

Të dyshuara se janë përfituar nga veprimtari kriminale/

Prokuroria e Vlorës ka sekuestruar pasuritë e Agron Lamajt dhe shoqërisë “Royal" sh.p.k. Pasuritë e sekuestruara arrijnë në vlerën 3.5 milionë euro, të dyshuara se janë blerë nga para të përfituara nga veprimtari kriminale.

Në total janë 17 pasuri të sekuestruara nga prokuroria. Pasuritë janë kryesisht apartamente, njësi tregtare, garazhe dhe parcela trualli.

 

Njoftimi i prokurorisë

 

Prokuroria pranë Gjykatës së Shkallës së Parë Vlorë ka vendosur sekuestro preventive mbi pasuri të paluajtshme me vlerë totale rreth 3.5 milionë euro të shtetasit Agron Lamaj dhe shoqërisë tregtare “Rei Royal” shpk.

Masat e sigurimit pasuror u morën në kuadër të procedimit penal nr. 1329 të vitit 2022, për veprën penale “Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal.

Në total u sekuestruan 17 pasuri të paluajtshme, kryesisht apartamente, njësi tregtare, garazhe dhe parcela trualli në zonën e Vlorës dhe rrethina.

Lista e pasurive të bllokuara përfshin:

2 parcela pemëtore (1 000 m² dhe 600 m²) në emër të shtetasve A.L. dhe bashkëshortes;

1 truall 249.5 m²;

2 apartamente (126.6 m² dhe 143.7 m²) në emër të Agron Lamajt;

12 njësi tregtare dhe shërbimi në pronësi të “Rei Royal” shpk me sipërfaqe nga 42.45 m² deri në 220 m²;

1 garazh 202 m² në pronësi të së njëjtës shoqëri.

Burime pranë prokurorisë bëjnë të ditur se hetimet po zhvillohen për të verifikuar origjinën e këtyre pasurive, të cilat dyshohet se janë blerë me të ardhura nga veprimtari të kundërligjshme.

Sekuestrimi u bë me vendim të Gjykatës së Shkallës së Parë Vlorëllimi i Juridiksionit të Përgjithshëm dhe pritet të pasohet me ekspertiza aktuale të vlerës së tregut dhe analiza financiare të thelluara.





Lajmet e fundit nga