E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Përmbytjet në fushën e Maliqit/ Fermerët apel shtetit për ndihmë

19 Nëntor 2025, 17:57, Aktualitet CNA

Përmbytjet në fushën e Maliqit/ Fermerët apel shtetit

Pas reshjeve të dendura të ditëve të fundit, fusha e Maliqit është përfshirë nga përmbytje të konsiderueshme, duke shkaktuar dëme serioze në tokat bujqësore dhe kulturat e mbjella. Fermerët e zonës shprehin shqetësimin e madh për situatën që, sipas tyre, po përkeqësohet nga ora në orë. Njëri prej tyre, Agron Guri, thotë se një pjesë e mirë e sipërfaqeve të mbjella me patate dhe grurë janë nën ujë. Ai tregon se ka investuar shuma të mëdha për prodhimin, por tashmë një pjesë e tokës është dëmtuar plotësisht dhe pjesa tjetër rrezikon të shkatërrohet nëse reshjet vijojnë. Sipas tij, dhjetëra fermerë të tjerë ndodhen në të njëjtën situatë dhe ndihma e shtetit është e domosdoshme.

Përmbytjet në fushën e Maliqit/ Fermerët apel shtetit

"Kam 20 hektarë këtej, deri tani 7 hektarë i ka mbytur fare dhe është në vazhdim. Uji akoma po ikën drejt Nizhavecit. Kam mbjellë grurë 15 hektarë, ku 8 ha janë të rrezikuara pas patateve. Jemi në hall shumë të madh. Ka shumë fermerë që preken nga përmbytjet. 50-60 vetave ua kam marrë unë me qira, disa prej tyre kanë ndërruar jetë, disa kanë ikur në emigrim. Unë i punoj tokat. Të vijë shteti të na ndihmojë se ne mbaruam”, tha fermeri Agron Guri.

Përmbytjet në fushën e Maliqit/ Fermerët apel shtetit

Ndërkohë, Bashkim Guri, një tjetër fermer i zonës, pohon se përmbytjet i kanë bllokuar korrjen e misrit, ndërsa prodhimet e tjera i ka ende të pashitura në magazinë. Ai thotë se dëmi në tokat e tij llogaritet në disa milionë lekë dhe situata, nëse reshjet vazhdojnë, mund të bëhet edhe më e rëndë. Sipas tij, shumë fermerë janë në prag të falimentimit dhe nuk do të kenë mundësi të vijojnë punën vitin e ardhshëm pa mbështetjen e institucioneve.

"Unë misrin kam tani se qepën e hoqa, e kam në magazinë pa shitur. Misri mbeti pa korrur se u përmbyt toka nga shiu. Shteti të vijë të shikojë situatën tonë si është. Mua më është përmbytur 15 dynym misër, dëmi arrin në 2 milion e gjysëm deri tani. Po ra akoma shi, ka rrezik. Të gjithë jemi në katastrofë, unë mot e tutje nuk vazhdoj dot më se skam buxhet. Shteti të na ndihmojë se ky është halli jonë."

Fermerët kërkojnë ndërhyrje urgjente nga autoritetet për të vlerësuar dëmet dhe për t’u ardhur në ndihmë, me qëllim që të shmanget një krizë më e thellë ekonomike në një nga zonat më të rëndësishme bujqësore të vendit./CNA