web counter
LEXO PA REKLAMA!

SHKARKO APP

App Store
Google Play

E fundit!

x

"Vjosa në lartësi kritike"/ Vengu: Në Përmet dhe Memaliaj presim një natë dinamike, rreziku s'ka kaluar ende

19 Nëntor 2025, 20:41, Aktualitet CNA

"Vjosa në lartësi kritike"/ Vengu: Në Përmet dhe

Ministri i Mbrojtjes Pirro Vengu në një dalje televizive deklaroi se lumi Vjosa ka shkuar në pikë kritike në Përmet dhe Memaliaj.

Vengu tha se pritet një natë e vështirë dhe dinamike pasi nuk ka kaluar ende rreziku. Ministri deklaroi se janë dislokuar mjete të Forcave të Armatosura dhe efektivë që po bëjnë monitorimin e zonave të rrezikuara.

Më problematike paraqitet situata në fshatin Fitore.

 

"Aktualisht jemi në mbikëqyrje të gryka-derdhjes së Vjosës. Ky është një front intensiv në jugun e vendit. Në Delvinë dhe Tepelenë kemi pasur orë të vështira. Ujërat kanë shkuar në lartësi kritike në Përmet dhe Memaliaj. Ndaj, për 48 orë kemi dislokuar mjete për të bërë disa përforcime dhe sidomos në fshatin Fitore. Jemi në monitorim. Presim një natë dinamike ku mund të ketë vështirësi në këtë pjesë të vendit. Nuk jemi ende jashtë rrezikut. Jemi në kushte ku kemi një stabilizim, por shpresojmë të njoftojmë për një ulje.

Kemi dislokuar aty mjete të forcave të armatosura dhe mjete private. Besoj se kemi përmirësim të ndjeshëm. Për urën që përmendët, kemi vendosur të presim dhe vërshimet dhe të ndërhyjmë menjëherë. Banorët janë në monitorim dhe do të krijojmë akses sa të kalojë fronti", tha Vengu.

Vendi ynë prej dy ditësh po përballet me reshje intensive shiu që kanë sjellë problematika të shumta në veri dhe në jug. Si pasojë e reshjeve është rritur niveli i ujërave, në zona të caktuara ka pasur edhe vërshime në rrugë dhe ndërprerje të energjisë elektrike.





Lajmet e fundit nga