web counter
LEXO PA REKLAMA!

SHKARKO APP

App Store
Google Play

E fundit!

x

Ish-deputeti i PD-së kërkon firmat për të liruar Erion Veliajn

18 Nëntor 2025, 17:18, Politikë CNA

Ish-deputeti i PD-së kërkon firmat për të liruar Erion

Ndodh edhe kështu. Ish-deputeti i Partisë Demokratike, Halit Valteri, i konvertuar në këshilltar të Partisë Socialiste në Këshillin Bashkiak të Tiranës, dhe një ushtar i paepur i Erion Veliajt, po mbledh firma për lirimin e Zdromsit të Tiranës.

Në fakt Halit Valteri nuk e liron dot Erionin nga burgu, por po mbledh firmat që Erioni të dalë nga qelia dhe të shkojë në mbledhjen e Këshillit Bashkiak.

Ish-deputeti i PD-së kërkon firmat për të liruar Erion

Ndoshta Haliti është bërë dhe konstitucionalist, e ka lexuar Kushtetutën si intelektual i madh që është, ndoshta i ka thënë Erioni, ndoshta vazhdojnë lojërat e skemave të tyre, por Gjykata Kushtetuese nuk ka thënë që Erion Veliaj të lirohet, por ka thënë që shkarkimi që i bëri Këshilli Bashkiak, pra Halit Valteri dhe shokët e tij, ishte jo kushtetues.

Pra, nuk ishte bërë siç duhej, dhe më shumë sesa të mbledhë firma për ta çuar në Këshill Bashkiak një të pandehur me 13 akuza të rënda penale, që nuk shkon të përballet me drejtësinë, duhet të mbledhin firma dhe ta shkarkojnë sipas procedurave të rregullta Kushtetuese.

Pra, ta thërrasin në Këshill Bashkiak, ta dëgjojnë për ta shkarkuar, jo ta thërrasin, ta dëgjojnë për buxhetin kur Erion Veliaj ka nëntë muaj nuk shkon në punë dhe ankohet se është i izoluar dhe nuk ka informacion, ndërkohë që prej kohësh gjyqi i tijh mund të kishte përfunduar por Zdromsi nuk shkon në gjykatë, por shtyn seancat.

Për çfarë do të flasë për buxhetin Erion Veliaj?

Nga ana tjetër, meqenëse u dashka nxjerë Erioni nga qëlia që të shkojë në mbledhjen e Këshillit Bashkiak që të flasë për buxhetin, të nxjerrim dhe Ilir Beqajn të shkojë në atje ku ka qenë drejtor. Të dalë dhe Ilir Meta se ka dhe Partinë e Lirisë, ta nxjerrin një herë në dy javë, një herë në muaj, kur ka protesta, kur ka mbledhje kryesie, të shkojë ta drejtojë dhe Iliri partinë. Ata kryetarët e bashkive të arrestuar pse mos e bëjnë burgun në zyrë?

Me mendtë e Halit Valterëve dhe të Erion Veliajt, nuk vihet as në ...., thotë populli.

Erioni s'duhet të rrijë në burg, duhet të rrijë kryetar bashkie. S'ka kryetar bashkie që hyn në burg, sipas konceptit të tyre.

Pra, kapet një kryetar bashkie me korrupsion, me skandale dhe hajdut dhe s'duhet të jetë në burg ai, duhet të rrijë i lirë se e ka zgjedhur populli kryetar bashkie.

Po të zgjodhi populli, edhe pse kryetari i bashkisë është hajdut, ti je i pafajshëm dhe duhet të vazhdosh detyrën, fundja ç'po bën po vjedh, po shkel ligjin, po abuzon.

Edhe kur firmos si kryetar që paratë e buxhetit të mbledhura nga taksat e qytetarëve të shkojnë në veshmbathje për gruan dhe lekët e tyre të hyjnë në xhepat e familjes, duhet të rrish në zyrë edhe me 13 akuza të rënda penale, tju rëndosh sa më shumë qytetarëve.

Gjithsesi, kjo duket një lëvizje nga ato të radhës të kryebashkiakut të Tiranës, që kërkon të mbahet fort pas mandatit të kryetarit të bashkisë për të mbajtur peng kryeqytetin, për interesat e tij personale dhe të lidhura me 13 akuza penale.

Nuk ka pasur kurrë as dinjitetin, as burrërinë që të japë dorëheqjen, të përballet me drejtësinë dhe ta çlirojë Tiranën nga një ngërç.

Por, koka e tij kërkon tani të përdorë mercenarët që i ka blerë sa nga Saliu e sa nga Lulzim Basha, për të shkuar në mbledhje të Këshillit Bashkiak që të dalë si fitues, megjithëse kjo fitore e Erionit në Gjykatën Kushtetuese ishte “shumë e madhe” sepse edhe pse fitoi në Gjykatë Kushtetuese, çështjen e shkarkimit, është ende në burg dhe nuk është çliruar apo gjykuar për 13 akuzat penale.

Ndaj dhe të shkojë në mbledhje të Këshillit apo të mos shkojë nuk e vendosin firmat e Halit Valterit./ CNA

 





Lajmet e fundit nga