web counter
LEXO PA REKLAMA!

SHKARKO APP

App Store
Google Play

E fundit!

x

Komisioni i “Zgjedhores”/ Bylykbashi: Ajo që lexuam në raportin e OSBE/ODIHR, solli nevojën e një reforme

18 Nëntor 2025, 12:39, Politikë CNA

Komisioni i “Zgjedhores”/ Bylykbashi: Ajo që lexuam në

Komisioni për Reformën Zgjedhore ka nisur ditën e sotme punimet. Bashkëkryetari i Komisioni, Oerd Bylykbashi është shprehur se ajo që u evidentua në raportin e OSBE/ODIHR, nuk mund të relativizohet.

Ato që u evidentuan në atë raport, sipas Bylykbashit ishin dhe arsyet që sollën një Reformë Zgjedhore. Ai tha se mazhoranca ka në dorë të tregojë se Reforma Zgjedhore do të jetë sukses për shqiptarët dhe jo partitë politike.

“Sot hapim punimet e një prej komisineve më të rëndësishme. Ka në dorë të bëjë një punë shumë të mirë dhe të zgjedhë klimën me të cilën parlamenti do të trajtojë objektivat prioritare. Nuk mund ta relativizojmë si dicka të thjeshtë atë që ka ndodhur me zgjedhjet dhe nevojat që prodhojnë reformën zgjedhore. Arsyeja e një reforme zgjedhore është ajo që lexojmë në raportin e OSBE/ODIHR. Ajo që lexojmë në raportin e vitit 2025 krahasohet me atë të 2001, duke iu referuar shkallës së problemit. Ka një detaj të jashtëzakonshëm sa i përket shkeljeve dhe dhunimit të cdo lloj standardi dhe praktike të mirë zgjedhore.

Reforma e shkuar, nuk prodhoi asgjë dhe më pas krijimi i një grupi dialogu nuk pati asnjë rëndësi dhe asnjë garanci parlamentare. Reformë Zgjedhore që nuk u trajtua asnjë rekomandim i ODIHR.  Numri i rekomandimeve të patrajtuar është shumë i madh, mjafton të marrim raportin e fundit. Sot kemi një sistem zgjedhor të njënashëm dhe të imponuar dhunshëm. Reforma e fundit konsnsuale është e vitit 2012, që atëherë nuk ka patur reformë tjetër. Në këtë parlament topi është në fushën e mazhorancës që të tregojë se Reforma Zgjedhore të etë sukses për shqiptarët dhe jo partitë politike”, tha Bylykbashi. /CNA

 

 





Lajmet e fundit nga