web counter
LEXO PA REKLAMA!

SHKARKO APP

App Store
Google Play

Deputeti del nga SPAK-u/ Bylykbashi për "21 janarin": Nuk kam qenë në Shqipëri, isha për ECO Park

18 Nëntor 2025, 11:05, Politikë CNA

Deputeti del nga SPAK-u/ Bylykbashi për "21 janarin": Nuk kam

Deputeti i Partisë Demokratike, Oerd Bylykbashi, ka folur për mediat pas daljes së tij nga SPAK-u.

Bylykbashi bëri me dije se është thirrur nga Prokuroria e Posaçme si person në dijeni në lidhje me denoncimin e bërë nga PD për aferën e Eco Park.

Referuar dhe deklaratës së kreut të SPAK-ut në komisionin parlamentar, Bylykbashi tha se hetimi është drejt përfundimit dhe nuk mund të japë më shumë detaje.

I pyetur për çështjen e “21 janarit”, nëse ka një fletëthirrje, Bylykbashi deklaroi se atë ditë nuk ndodhej fare në Shqipëri.

Në atë kohë, Bylykbashi ka mbajtur postin e drejtorit të Kabinetit në Kryeministri.

 

“Sot isha këtu në cilësinë e kallëzuesit në lidhje me aferën e Eco Park. Është një kallëzim i bërë në mars të 2024 dhe është bashkuar me një procedim të nisur kryesisht nga SPAK-u. Jam thirrur në cilësinë e personit që ka dijeni.

Duke filluar nga Rama, kallëzimi është publik. Është një aferë e pastër korruptive. Një kompani e lidhur drejtpërdrejt me kompaninë e inceneratorëve, Integrated Energy. Mbi bazën e atij materiali denoncues që ne analizuam bëmë kallëzimin.

Dumani në komision tha që është në përfundim hetimi, më shumë nuk mund të them. Respektoj sekretin e veprimeve hetimore. Kallëzimi është i deputetëve të grupit parlamentar të PD-së.

Nuk kam asnjë ftesë për 21 janarin, atë ditë nuk kam qenë në Shqipëri, po gjithsesi nuk është kjo çështja”, deklaroi Bylykbashi.





Lajmet e fundit nga