web counter
LEXO PA REKLAMA!

SHKARKO APP

App Store
Google Play

"Sukses me procesin e vetingut"/ Wadephul: Drejtësia duhet të jetë e lirë nga çdo ndikim

17 Nëntor 2025, 17:17, Politikë CNA
"Sukses me procesin e vetingut"/ Wadephul: Drejtësia duhet
Ministri i Jashtëm gjerman Johann Wadephul

Ministri i Jashtëm gjerman Johann Wadephul, në konferencën e përbashkët për shtyp me Spiropalin ka theksuar se Prokuroria dhe Gjykatat duhet të bëjnë punën të lirë pa asnjë lloj ndikimi.

Wadephul ka shprehur vlerësimin dhe mbështetjen e tij për SPAK-un duke theksuar se ka patur sukses me procesin e vettingut.

Ministri theksoi se nëse vijohet në të njëjtën rrugë si tani, Shqipëria do të arrijë suksesin e dëshiruar.

“Duhet punuar që të arrihet në situatën e një ndarje të pushteteve të jetuar. Sistemi i drejtësisë duhet të jetë i lirë nga çdo lloj ndikimi. Prokuroria dhe gjykata duhet të bëjnë të lirë punën dhe ky ka qenë dhe thelbi i bisedës me Prokurorinë e Posaçme ku shpreha vlerësimin tim. Mbështetja duhet të vazhdojë në mënyrë konsekuente. Ka patur sukses me procesin e vetingut. Unë vij nga një vend që jo vetiu ka mbërritur në një demokraci të pjekur pasi u çlirua nga një regjim i tmerrshëm deri ku u mbërrit në krijimin e një shteti ligjor. BE ka kriter të qartë, Komisioni Europian është ruajtësi i pakteve dhe marrëveshjeve dhe do të ketë vlerësimin e vet. Duhet një punë e madhe në vijim. Nëse do vazhdohet në njëjtën rrugë si tani do mbërrijmë në suksesin e dëshiruar”, tha Wadephul./ CNA





Lajmet e fundit nga