web counter
LEXO PA REKLAMA!

SHKARKO APP

App Store
Google Play

E fundit!

x

Wadephul: Shteti ligjor dhe lufta kundër krimit, objektiva të rëndësishëm për integrimin

17 Nëntor 2025, 17:08, Politikë CNA

Wadephul: Shteti ligjor dhe lufta kundër krimit, objektiva të

Ministri i Jashtëm i Republikës Federale të Gjermanisë, Johann Wadephul theksoi sot mbështetjen e shtetit gjerman ndaj Shqipërisë në procesin e integrimit europian.

Në një konferencë për shtyp gjatë vizitës së tij në Tiranë, Wadephul tha se dy aspektet ku kërkohet më shumë përqendrim janë shteti ligjor dhe lufta kundër krimit, që i cilësoi si objektiva të rëndësishëm jo vetëm të Shqipërisë, por edhe të vendeve të Ballkanit Perëndimor.

“Qeveria Federale Gjermane përkushtohet ndaj procesit të integrimit. Unë e konsideroj Procesin e Berlinit si një përkushtim. Por në fund është detyrë e vendeve kandidate të krijojnë premisat dhe kushtet e integrimit. Po punohet që këto premisa të shtohen. Gjermania ka qenë gjithmonë vend miqësor kundrejt Shqipërisë. Kemi një situatë tjetër në vende mtë tjera të rajonit. Në fund do shihet nëse është bërë gjithçka që do të duhet të ishte bërë. Shteti ligjor dhe lufta kundër krimit janë dy aspekte ku kërkohet një përqendrim. Nëse këto objektiva do të arrihen, secili vend i Ballkanit Perëndimor do ketë një raport për mbajtjen e vendimeve të marra. Puna duhet të bëhet nga shtetet kandidate”,-tha Wadephul./CNA





Lajmet e fundit nga