web counter
LEXO PA REKLAMA!

SHKARKO APP

App Store
Google Play

E fundit!

x

Hapja e grupkapitullit të fundit/ Rama: Po realizojmë atë që dikur ishte e pamundur

17 Nëntor 2025, 09:25, Politikë CNA

Hapja e grupkapitullit të fundit/ Rama: Po realizojmë atë që

Kryeministri Edi Rama ka mbajtur fjalën e tij në konferencën e përbashkët me komisioneren e BE-së për zgjerimin Marta Kos dhe Marie Bjerre, ministre e Punëve të Jashtme të Danimarkës, e cila mban Presidencën e Këshillit të BE-së.

Rama u shpreh se sot Shqipëria po realizon diçka që pak kohë më parë dukej si ëndërr dhe diçka e pamundur. Ai falënderoi komisioneren Kos për mbështetjen që i ka dhënë Shqipërisë dhe gjithë Ballkanit Perëndimor në procesin e integrimit.

"Kush do ta mendonte që do të ishim këtu sot duke çelur të gjithë grupkapitujt. Kohë më parë ishte diçka që dukej e pamundur dhe ishim në pikën ku po mësoheshim më sprapsjet. Gjithë udhëtimi na bëri më të vetëdijshëm për të gjithë atë natyrë të jashtëzonshme të këtij procesi dhe na bëri më të pjekur. Ja ku jemi sot këtu me atë që dikur ishte një ëndërr. Pa fjalë formale apo protokoll dua të falënderoj dy persona të jashtëzokonshëm në të majtën time, Marinë dhe Marta-n. Marta që është kampione e procesit të anëtarësimit të Shqipërisë dhe gjithë Ballkanit Perëndimor. Jam i frymëzuar nga gjithë këta muaj dhe nga mbështetja e fortë që procesi i zgjerimit apo ribashikimit të Europës po merr. Do të bëjmë gjithçka për të ecur përpara me të njëjtin intensitet për të dhënë rezultate. Sot Shqipëria del me krenari nga kjo fazë e parë dhe më ndjenjë edhe më të madhe përgjegjësie. Përfaqësojmë këtu një komb të tërë që mbështet si askush tjetër Bashkimin Europian, rreth 90%. Jam i sigurt që ata shumë pak tek ajo përqindje e vogël, nuk do të kenë pasur një ditë të mirë kur është bërë sondazhi. Dua të shtoj se qoftë ajo mënyra e fortë e ajo e butë me të cilën jemi përballur na mësoi se kurrë nuk duhet të marrim asgjë të mirëqenë në Bruksel. Kështu që vazhdo puno fort dhe përgjigju në çdo rrethanë më përulësi dhe rezultate. Këto dy gjëra janë ato që këta njerëz vlerësojnë më shumë. Me Komisionin nga njëra dhe të urtët nga ana tjetër, shtetet anëtare, jemi në duar të mira. Do të bëjmë gjithçka që të jemi aty ku duhet", tha Rama. /CNA





Lajmet e fundit nga