web counter
LEXO PA REKLAMA!

SHKARKO APP

App Store
Google Play

E fundit!

x

Rama: Një e keqe e madhe/ Berisha përgjigjet: Më konsideron të tillë se mbroj interesat e qytetarëve

15 Nëntor 2025, 12:52, Politikë CNA

Rama: Një e keqe e madhe/ Berisha përgjigjet: Më konsideron

Kryeministri Edi Rama në takimin me banorët e njësisë numër 3 në Tiranë, e ka quajtur kreun e PD-së një të keqe të madhe që nuk i është ndarë vendit.

Rama tha se merret me Berishën vetëm kur ka fushatë pasi ndihet i detyruar, ndërsa në rastet e tjera as nuk e dëgjon se çfarë thotë.

“Merrem me të vetëm kur ka fushatë, se jam i detyruar se aty jemi në arenë dhe duhet me u marr, ndryshe as nuk e dëgjoj ça thotë, as nuk e llogaris, a është apo nuk është. Është një e keqe e madhe që nuk i është ndarë këtij vendi, ajo frymë. Është çështja tek një kënetë e madhe, ku ai është bufi i madh, por aty ça nuk ka”, tha Rama.

 

 

Nuk ka munguar përgjigjja as nga kreu i Partisë Demokratike, Sali Berisha.

Në bashkëbisedimin e tij me qytetarët, Berisha tha se Rama e sulmon pasi kryedemokrati mbron interesat e qytetarëve.

Më tej, Berisha tha se Rama po bën gjithçka që të denoncojë qëllimin e Berishës për të demaskuar narkoshtetin.

“Më ka nderuar sepse Rama dhe altoporlantët e tij më konsiderojnë të tillë vetëm për një fakt, sepse mbroj interesat e qytetarëve. Ka pakënaqësi të madhe sepse unë mbroj para shqiptarëve dhe botës tezën se Shqipëria është një narkoshtet. Edi Rama bën gjithçka që ta denoncojë këtë qëllim timin. Këtë nuk e bëj vetëm unë, por qindra analistë dhe gazetarë. Edi Rama ka mbrapa makinerinë monstruoze Soros, që vijojnë betejën kundër demokracisë në Shqipëri në mbështetje të narkodiktatorit Rama. Prandaj unë jam e keqja më e madhe sepse për ta e mirë është droga, krimi”, deklaroi Berisha./CNA





Lajmet e fundit nga