web counter
LEXO PA REKLAMA!

SHKARKO APP

App Store
Google Play

"Ogerta ishte dhe mbetet kandidatja jonë për të drejtuar Tiranën"/ Rama "shet" sërish Veliajn

15 Nëntor 2025, 10:52, Politikë CNA

"Ogerta ishte dhe mbetet kandidatja jonë për të drejtuar

Kryeministri Edi Rama, në takimin me banorët e njësisë 3 në Tiranë, është ndalur te vendimi i Kushtetuese për Erion Veliajn dhe drejtimi i bashkisë.

Rama tha se Tirana është në një situatë shumë të vështirë menaxhimi.

Më tej, Rama rikonfirmoi edhe njëherë se Ogerta Manastirliu do të jetë kandidatja për Bashkinë e Tiranës kurdo që të zhvillohen zgjedhjet, duke hedhur poshtë edhe njëherë mundësinë se Erion Veliaj mund të rikandidojë për Tiranën, pavarësisht vendimeve të Gjyqësorit.

“Kur kryetari u mor nga zyra për t’u mbyllur në qeli pa gjyq, për herë të parë ngrita zërin për të thënë se kjo është disproporcionale. Pavarësisht çfarë ne mund të themi apo mendojmë, drejtësia është e pavarur.

Kushtetuesja refuzoi t’u hapë rrugë zgjedhjeve në Bashkinë e Tiranës. Atëherë ta kthejnë në zyrë që të normalizohet një situatë që është çdo ditë dhe më e vështirë për kryeqytetin. Duke ndjekur ecurinë e punëve e shoh që bëhet çdo ditë dhe më e vështirë. Ne këtu jemi për të dhënë të gjithë një dorë në kushtet kur ka një problem qyteti. Jemi bërë të gjithë bashkë për ta shtyrë përpara punën e Tiranës, njerëzit që jetojnë në këtë qytet duan shërbimet. Duhet të bëjmë çmos që t’i kenë. Duke vlerësuar maksimalisht rëndësinë e kësaj detyre, jemi sot këtu me Ogertën që ishte dhe mbetet kandidatja jonë për të drejtuar Tiranën”, tha Rama./CNA





Lajmet e fundit nga