web counter
LEXO PA REKLAMA!

SHKARKO APP

App Store
Google Play

Ngjarjet kriminale në vend/ PD, kërkesë për debat në Kuvend

14 Nëntor 2025, 14:28, Politikë CNA

Ngjarjet kriminale në vend/ PD, kërkesë për debat në

Grupi Parlamentar i Partisë Demokratike i është drejtuar Kuvendit me një kërkesë për debat. Kërkesa vjen pas ngjarjeve kriminale që kanë tronditur vendin kohët e fundit, siç ishte vrasja në Rinas.

PD në kërkesë përmend edhe raportet ndërkombëtare përfshirë dhe raportin e DASH për pastrimin e parave të krimit në ndërtime dhe vepra publike.

“Z. Kryetar i Kuvendit. Në vitet e fundit, veçanërisht përgjatë vitit 2025, nga raporte të organizatave, institucioneve e mediave ndërkombëtare dhe shqiptare, Shqipëria është identifikuar si e ekspozuar ndaj krimit të organizuar, sidomos në trafikimin e drogës dhe pastrimin e parave, me ndikime mbi ekonominë, median dhe proceset zgjedhore.

Raporti INCSR 2025 i Departamentit të Shtetit' evidenton se korrupsioni, krimi i organizuar, boshllëqet në kuadrin ligjor dhe pengesat në komunikimin ndër-institucional e bëjnë Shqipërinë vulnerabël ndaj pastrimit të parave, ku kriminelët përdorin blerje pasurish të paluajtshme, projekte ndërtimi, asete virtuale dhe biznese të ndryshme për të pastruar paratë e pista.

Sipas raportit, organizatat kriminale shqiptare bashkëpunojnë me organizata të ngjashme në Europë dhe Amerikën e Jugut, dhe trafikimi i narkotikëve dhe krimi i organizuar janë një burim kryesor i flukseve të pastruara të parave. Po aty theksohet se ligjërimi i basteve online (mars 2024) "ngre shqetësime se mbikëqyrja e dobët mund të lejojë depërtimin e krimit të organizuar"

Sipas po këtij raporti të Departamentit të Shtetit, pjesa më e madhe e pastrimit të parave në Shqipëri lidhet me trafikimin e drogës dhe qenieve njerëzore, mashtrimin me kontrata qeveritare, evazionin fiskal dhe kontrabanden.

Ekonomia e Shqipërisë, e bazuar kryesisht në para cash, me një nivel të lartë i formal, të llogaritur në 30% të PBB-së, me kontrolle të dobëta kufitare dhe zbatimi të dobët të doganave lehtëson tregun e zi për mallrat e kontrabanduara. Remitancat dhe investimet nga jashtë herë pas here errësojnë burimet e fondeve. Krimi i organizuar pastron të ardhurat nga aktiviteti i paligjshëm përmes blerjeve të pasurive të paluajtshme, projekteve të ndërtimit, aseteve virtuale dhe zhvillimit të biznesit.

Ne planin operativ, bashkëpunimi ndërkombëtar ka prodhuar disa goditje ndaj rrjeteve shqiptare/ballkanike. Më 21 maj 2025, Eurojust raportoi një aksion të përbashkët Itali-Shqipëri kundër 3 grupeve kriminale të organizuara, me 52 urdhra arresti për trafikim kokaine/heroine dhe pastrim parash, ngritje të një ekipi të përbashkët hetimor dhe sekuestrime miliona euro, përfshirë individë në nivelet më të larta të hierarkisë së këtyre grupeve kriminale. Në nëntor 2024, siç citohet në raportin e INCSR të vitit 2025, ishin 29 të arrestuar në një rrjet trafiku droge të drejtuar nga dy vëllezër shqiptarë. me asete dhe drogë të sekuestruara në vlerë rreth 74 milionë USD”, thuhet ndër të tjera në kërkesë./ CNA

Ngjarjet kriminale në vend/ PD, kërkesë për debat në





Lajmet e fundit nga