web counter
LEXO PA REKLAMA!

SHKARKO APP

App Store
Google Play

Rama përsërit refrenin: Nuk e kam kapur unë Gjykatën Kushtetuese

13 Nëntor 2025, 21:21, Politikë CNA

Rama përsërit refrenin: Nuk e kam kapur unë Gjykatën

Kryeministri Edi Rama ka përsëritur edhe një herë deklaratat e tij lidhur me vendimin e Gjykatës Kushtetuese për çështjen ndaj Erion Veliajt.

Në një intervistë, Rama u shpreh se vendimi ndaj Veliajt tregoi se Gjykata Kushteuese nuk është e kapur prej tij.

 “Kushtetuesja vendosi ndryshe. Nuk e paskam kapur unë GJK-në. Nuk është herë e parë që vendos ndryshe nga vullneti im. Është e drejtë të japë vendime që i takon asaj t’i japë. Kushteuesja e liron se bie në kontradiktë me vetveten. Nuk ka çfarë argumenton qeveria, se Erioni nuk ka shkelur Kushtetutën. A duhet ta merrte në konsideratë? Se nuk e ka shkelur dhe nuk ka bërë ndonjë faj. Thjesht nuk ka ardhur në punë, por puna duhet bërë.  Unë di që GJK e la Tiranën pa zgjedhje dhe pa kryetar. Duhet të bëjë hapin e dytë që të bëjë detyrën. Nëse do rikthehesha, do bëja të njëjtën gjë. Nuk do shkojmë t’i biejmë murit me kokë. Praktikisht është të hysh në konflikt me sistemin. I kemi dhënë si PS pavarësinë sistemit të drejtësisë”,-tha Rama.

Ashtu siç CNA e ka theksuar në një analizë të publikuar pak ditë më parë, kjo në fakt, është thjesht dhe vetëm një lojë e kryeministrit, i cili ka në duart e tij Kushtetuesen.

Gjykata Kushtetuese është një instrument i kapur që bëri shërbimin më të mirë për Erion Veliajn, i cili ndenji disa kohë në burg dhe tani po kjo gjykatë do të përdoret për ta nxjerrë nga burgu. Ndërsa fakt është se nuk ka ndryshuar asnjë rrethanë në lidhje me akuzat ndaj Erion Veliajt për korrupsion dhe kryerjen e veprave më të rënda penale, që ky i fundit të lirohet. Megjithëse Edi Rama e bëri lojën e tij deri në fund, vendimi i Gjykatës Kushtetuese është një lojë e Edi Ramës dhe vetëm e tij./CNA





Lajmet e fundit nga