web counter
LEXO PA REKLAMA!

SHKARKO APP

App Store
Google Play

"Po punojmë për një projekt që lidh Lindjen me Perëndimin", Rama: Muzeu i artit italian do të hapë dyert në Shqipëri

13 Nëntor 2025, 15:50, Politikë CNA

"Po punojmë për një projekt që lidh Lindjen me

Kryeministri Edi Rama ka mbajtur fjalën e tij në konferencën e përbashkët për mediat me homologen e tij italiane Giorgia Meloni.

Rama tha gjatë fjalës së tij se Italia dhe Shqipëria po punojnë për një tjetër projekt me rëndësi të madhe strategjike që do të lidhë Lindjen me Perëndimin dhe ku sipas tij do të përfshihen shtete si Rumania, Bullgaria, Italia dhe Shqipëria.

Kreu i qeverisë bëri më tej me dije se po ashtu po punohet për hapjen për herë të parë të muzeut të artit italian në Shqipëri.

"Kemi një nga projektet më të mëdha në Europë për energjinë, i cili po ecën përpara për të kontribuar ndaj sovranitetit energjetik të Europës, përmes linjës së interkonjeksionit mes Shqipërisë dhe Italisë me pjesëmarrjen e Emirateve të Bashkuara. Po punojmë për një projekt që do të lidhë Lindjen me Perëndimin dhe do të përfshinte shtete si Rumania, Bullgaria, Italia dhe Shqipëria dhe është i një rëndësie të madhe strategjike. Pastaj kemi kulturën, nëse nuk do të ishte e pranishme kultura nuk do të kishte as Itali. Kjo gjë e nderon këtë qeveri, por nderon dhe ministrin e saj. Për sa më takon më në fund kemi një marrëveshje konkrete për të bërë bashkë një strukturë me rëndësi shumë të madhe europiane siç është MAXXI i Romës me Galerinë tonë Kombëtare. Shpresoj që muzeu i artit italian në Shqipëri do të jetë një tjetër fakt konkret dhe shpresoj të jeni pikërisht ju ai që do të hapni dyert e atij muzeu", tha Rama. /CNA





Lajmet e fundit nga