web counter
LEXO PA REKLAMA!

SHKARKO APP

E fundit!

x

Debati në komision për SHISH/ Hyseni kërkon seancë me dyer të mbyllura, Noka: Nuk kemi kërkuar Sigurim Shteti

13 Nëntor 2025, 10:57, Politikë CNA

Debati në komision për SHISH/ Hyseni kërkon seancë me dyer

Drejtuesja e Shërbimit Informativ të Shtetit, Vlora Hyseni, e pranishme në Komision e Çështjeve të Brendshme për projektbuxhetin e vitit 2026.

Hyseni kërkoi që të kalohej në një mbledhje me dyer të mbyllura.

SHISH ka gjetur gjithmonë mbështetje për kërkesat buxhetore. Një dyminutësh të hapur pastaj do të kërkojmë të kalojmë në dyer të mbyllura”, tha Hyseni.

 

Kërkesë kjo që solli dhe debat në Komisionin e Çështjeve të Brendshme.

Deputeti i Partisë Demokratike, Flamur Noka, tha se në rastet kur pyetet për të dhëna sekrete, Hyseni mund të mos përgjigjet. Noka deklaroi se është kërkuar një Shërbim Informativ dhe jo Sigurim Shteti.

Demokrati tha se seanca duhet të zhvillohet me dyer të hapura për transparencë ndaj publikut.

Në rast se pyesim për të dhëna që janë sekret shtetëror, kryetarja ka të drejtën të mos përgjigjet. Ne kemi kërkuar një Shërbim Informativ, jo Sigurim Shteti, ajo kohë ka mbaruar. Lejoni seancat me dyer të hapura për transparencë ndaj qytetarëve”, tha Noka./CNA





Lajmet e fundit nga