web counter
LEXO PA REKLAMA!

SHKARKO APP

App Store
Google Play

"Progresraporti vë në pah arritjet e SPAK"/ Gonzato: Organet e reja duhet të bëjnë emërime me integritet

12 Nëntor 2025, 22:18, Politikë CNA

"Progresraporti vë në pah arritjet e SPAK"/ Gonzato: Organet

Ambasadori i Bashkimit Europian në Tiranë, Silvio Gonzato në një dalje televizive ka analizuar reformën në drejtësi në Shqipëri dhe deklaroi se kjo reformë është çelësi i vendit drejt rrugës europiane. Gonzato tha se në progresraport janë vënë në pah arritjet e SPAK dhe KE vlerëson punën e bërë deri tani, por kërkohet më shumë.

Ambasadori tha se organet e reja të drejtësisë duhet të bëjnë më shumë sidomos për emërimet me integritet të magjistratëve.

 

"Reforma në drejtësi është çelësi i Shqipërisë për në BE. Në progresraport vihen në pah arritjet e SPAK, por duam më shumë  në aspektin e konfiskimit të pasurive të krimit të organizuar edhe pse vlerësojmë çfarë është bërë.

Tranzicionet janë gjithmonë të vështira dhe kanë një kosto ndaj duhet një strategji afatmesme ose afatgjatë. Institucioneve u është dhënë pavarësi dhe prandaj do të kenë presion politik, por duhet të jenë të fortë dhe të menaxhojnë të gjithë gjyqësorin.

Organet e drejtësisë duhet të vendosin standarde për përzgjedhjen me integritet të magjistratëve. Ata duhet të emërojnë krerët e gjyakatave, kanë shumë për të bërë, tani topi është në anën e tyre", deklaroi ai./CNA

 

 





Lajmet e fundit nga