web counter
LEXO PA REKLAMA!

SHKARKO APP

App Store
Google Play

E fundit!

x

"Për 9 muaj siguracionet e pagës minimale do të paguhen nga shteti"/ Rama: Denonconi punëdhënësit, ose përtypni abuzimin

12 Nëntor 2025, 16:51, Politikë CNA

"Për 9 muaj siguracionet e pagës minimale do të paguhen nga

Kryeministri Edi Rama i shoqëruar nga deputetja Ogerta Manastirliu ka prezantuar buxhetin e vitit 2026 në një takim me banorët e Njësisë 5.

Rama tha se paga minimale nga janari 2026 do të rritet në 500 euro dhe siguracionet për 9 muaj do t’i paguajë shteti.

Kryeministri iu bëri apel punonjësve që të denoncojnë punëdhënësit që nuk japin të plotë pagën.

"Punëdhënësit të marrin kohë për të sistemuar rritjen e pagës 9 muajt e parë të vitit 2026. Siguracionet e atyre që e kanë pagën nën 500 euro do t’i paguajë qeveria. Nga 1 janari punëdhënësit duhet t’i japin drejtpërdrejt punonjësit 500 euro. Për 9 muaj siguracionet do t’i paguajë qeveria.

Punëdhënësin që s’të jep pagën e plotë ose denoncoje ose përtype, denonconi të Tatimet, te deputeti i zonës ose te ministri i Financave. Nuk ju heq dot njeri nga puna. Është detyrim që të garantojmë që 500 euro të vijnë në llogarinë bankare të secilit, përtej pagës minimale do të rriten edhe pagat e tjera për të gjithë punonjësit e shtetit.

Rritja e pagës minimale sjell edhe rritje pagash për kategoritë e tjera edhe në sektorin privat."

Kryeministri premtoi se me buxhetin e ri problematikat e punonjësve të Policisë do të marrin fund pasi do të paguhet vjetërsia e punës.

"Do të përfitojnë punonjësit e shëndetësisë, mësuesit dhe punonjësit e Policisë, problematikat e të cilëve do të marrin fund.

Policëve do u njihet vjetërsia në punë", deklaroi Rama./CNA

 





Lajmet e fundit nga