web counter
LEXO PA REKLAMA!

SHKARKO APP

App Store
Google Play

E fundit!

x

Buxheti 2026 te "Nismat Qytetare"/ Kaso: Të shtohet mbështetja për auditimet që KQZ u bën financave të partive

12 Nëntor 2025, 09:30, Politikë CNA

Buxheti 2026 te "Nismat Qytetare"/ Kaso: Të shtohet

Deputeti i Partisë Demokratike, njëkohësisht zëvendëskryetari i Komisionit për Nismat Qytetare, Ivi Kaso, ka marrë fjalën e tij në seancën dëgjimore me Komisionin Qendror të Zgjedhjeve lidhur me projektligjin “Për buxhetin e vitit 2026”.

Kaso u shpreh se duhet dyfishuar suportimi buxhetor për auditimet që KQZ bën për financat e partive politike. Ai shtoi se duke qenë se po lëmë pas një vit zgjedhor dhe partitë politike kanë detyrim të raportojnë dy herë për financat, edhe KQZ-së i dyfishohet detyrimi për të audituar. Sipas deputetit, kjo është dhe arsyeja përse duhet një mbështetje buxhetore më e lartë se në një vit normal.

“Projekt pilot për votimin elektronik të diasporës dhe nuk e di nëse ekziston ende kjo ambicie dhe nëse mbështetet edhe me fonde buxhetore. Çështja e edukimit të zgjedhësve dhe nga vijueshmëria e mirëmbajtjes së sistemeve të teknologjisë është një sforco që kërkon mbështetje. Por mes shumë problematikave që patën zgjedhjet dhe kritikave në raportin e ODIHR-it, një notë pozitive mori procesi i menaxhimit nga pikëpamja institucionale ditën e zgjedhjeve. Lëmë mënjanë pjesën e votës së diasporës, KQZ bëri një punë të mirë. Një pikëpyetje lidhur me fondin ose mbështetjen buxhetore të përpjekjeve të KQZ-së për auditimin dhe verifikimin e financave të partive politike. Duke qenë se lamë pas një vit zgjedhor, partitë politike kanë detyrimin për të raportuar dy herë, dyfishohet dhe detyrimi i KQZ-së për të audituar. Kështu që dhe për këtë do të kërkoja mbështetje buxhetore më të larta sesa vitin e kaluar që ishte për një vit normal”, tha Kaso. /CNA





Lajmet e fundit nga