web counter
LEXO PA REKLAMA!

SHKARKO APP

App Store
Google Play

E fundit!

x

"Model se si duhet të jenë institucionet e pavarura të vendit"/ Rama, në 100-vjetorin e Bankës së Shqipërisë

11 Nëntor 2025, 10:14, Politikë CNA

"Model se si duhet të jenë institucionet e pavarura të

Kryeministri Edi Rama ka qenë i pranishëm në konferencën për 100-vjetorin e Bankës së Shqipërisë.

Në fjalën e mbajtur, kryeministri tha se Banka e Shqipërisë është modeli se si duhet të jenë institucionet e pavarura të vendit.

Më tej, Rama tha se në hyrje të këtij shekulli të dytë, Banka e Shqipërisë është në një pozitë krejt tjetër nga ajo e krijimit.

Rama deklaroi se normalizimi sot nënkupton shumë më tepër se përdorimin e normës bazë. Kryeministri u shpreh se ditët e sotme krahas menaxhimit të parasë duhet të bëhet dhe menaxhimi i algoritmeve, që ashtu si paraja nuk e menaxhojnë dot veten.

Menaxhim i cili krahas politikave monetare kërkon dhe politika të reja.

 

“Me ndihmën e austriakëve Ismail Qemali gati sa nuk e krijoi Bankën e Shqipërisë. Fara e mbjellë në 1913 bëri që Banka e Shqipërisë të lindte, edhe pse historia nuk ka qenë aq bujare. Për arsye që do duhet të shpjegoheshin në mënyrë shteruese ky është një institucion që na përfaqëson si një model i asaj që duhet të jenë institucionet e pavarura të vendit. 50 vite më parë kur BE ishte një eksperiment, Banka e Suedisë organizoi një konferencë ndërkombëtare dhe shtrohej e njëjta sfidë që ne kemi sot.

Sot Banka e Shqipërisë hyn në shekullin e saj të dytë dhe gjendet në një hartë tjetër nga ajo ku u vendos në fillim të shekullit të saj të parë. Sot jemi të vetëdijshëm se politika monetare nuk matet vetëm me normën bazë, por matet dhe me pritshmëritë. Sot normalizimi do të thotë shumë më tepër se përdorimi i mekanizmit të normës bazë. Do të thotë edhe maturi, edhe kreativitet.

Ndërkohë që ne përpiqemi të hedhim sa më shpejt hapat e procesit të anëtarësimit, duke u përpjekur të kuptojmë se çfarë duhet të bëjmë më shumë për të mos u gjendur përpara mundësisë për të mos i mbyllur grupkapituj dhe tendenca e përgjithshme është për të luajtur në fushë të sigurtë, bota ndryshon me një shpejtësi marramendëse dhe të rejat që penetrojnë globalisht botën e parasë janë vërtet të atilla që trondisin deri në themel ato që pak kohë më parë dukeshin çështje të zgjidhura.

Sot jemi në një nivel tjetër. Krahas me paranë duhen menaxhuar dhe algoritmet që kemi përballë. Algoritmet që aq më tepër nuk e menaxhojnë dot veten. Për këtë arsye krahas politikës monetare duhen mekanizma të rinj kontrolli në funksion të menaxhimit të algoritmeve, por duhet dhe një mendje më e hapur për t'i pranuar këto zhvillime të cilat ne nuk i kontrollojmë dot, por duhet të bëjmë çmos të mos na kontrollojnë”, tha Rama.





Lajmet e fundit nga