web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Kushtetueses për Veliajn/ Shehaj: Teatër, farsë, çmenduri

10 Nëntor 2025, 22:26, Politikë CNA

Vendimi i Kushtetueses për Veliajn/ Shehaj: Teatër, farsë,

Kreu i Partisë “Mundësia”, Agron Shehaj e ka cilësuar teatër dhe farsë vendimin e Gjykatës Kushtetuese për Erion Veliajn.

I ftuar në emisionin Log, Agron Shehaj është shprehur se ishte një çmenduri të dëgjoje PD të ishte kundër shkarkimit të Veliajt, pra kundër faktit që një i arrestuar për korrupsion nuk mund të drejtojë një bashki nga burgu.

“Përveç çështjeve teknike, këtu kemi të bëjmë me një reagim të mazhorancës. Madje, në disa raste duket se reagimet kanë ardhur edhe nga opozita. Vendimi i Gjykatës Kushtetuese u shit si teatër, si përplasje me Ramën, por në fakt është një farsë. Ishte çmenduri të dëgjoje se PD ishte kundër shkarkimit të Veliajt, pra kundër faktit që një i arrestuar për korrupsion nuk mund të drejtojë një bashki nga burgu. E kuptoni se çfarë çmendurie është kjo? Në cilin vend perëndimor ndodh që një kryetar bashkie në burg, i akuzuar për vjedhje dhe korrupsion, të vazhdojë të jetë në detyrë me vendim gjykate? Dhe më pas, del Gjykata Kushtetuese dhe thotë se ju duhet ta mbani atë si kryebashkiak”, tha Shehaj.

Më tej, Shehaj ka komentuar dhe lojën e Ramës në mbrojtje të Veliajt.

“Vetëm pak ditë më vonë, Rama, që ka nën hetim edhe Ballukun, doli dhe tha: ‘U duhet ta nxirrni Veliajn’. A ishte batutë? Po tallej? Unë e lexoj ashtu siç është shkruar. Ai ka thënë atë që unë lexova.”. Sipas Shehajt, kjo tregon një përplasje të hapur mes pushtetit ekzekutiv dhe drejtësisë, ku Rama po tenton të kontrollojë edhe Gjykatën Kushtetuese. “Këtu ka nisur përplasja e rrezikshme mes pushtetit ekzekutiv, gjykatave dhe drejtësisë. Rama po përdor Gjykatën Kushtetuese për të mbrojtur njerëzit e vet. Dhe pyetja është: ku është PD-ja në gjithë këtë? Si është e mundur që PD del në krah të Veliajt? Kjo është e papranueshme.”, përfundoi ai.

Sa i përket Berishës se do të ulet në një tryezë me Ramën për Territorialen dhe Zgjedhoren, sipas Shehajt është një vetëvrasje politike.

“Del kreu i opozitës dhe thotë, ne do të ulemi me Ramën në tryezë. Kjo është vetëvrasje politike. Rama ka nevojë për ndihmën dhe mbështetjen e opozitës, të PD, për të ruajtur veten”, tha ai./ CNA





Lajmet e fundit nga