web counter
LEXO PA REKLAMA!

SHKARKO APP

App Store
Google Play

E fundit!

x

Mbështetja ndaj kandidatëve të pavarur manovër?/ Berisha këmbëngul: Zgjedhjet ishin farsë

10 Nëntor 2025, 17:42, Politikë CNA

Mbështetja ndaj kandidatëve të pavarur manovër?/ Berisha

Kreu i PD-së Sali Berisha ka folur për zgjedhjet në 5 bashki ku PS fitoi me një rezultat të thellë votash krahas kundërshtarëve, kandidatëve të pavarur.

Në një prononcim për mediat, Berisha vazhdon t’i cilësojë zgjedhjet si një farsë.

"Njëherë t’i falënderoj përzemërsisht për guxim që treguan dhe konstatuan që Shqipëria ka vetëm farsë elektorale. Tani edhe botërisht po fillon të njihet, një autokraci elektorale, apo diktatura autoritare.Kështu që ata bënë të pamundurën, ata qytetarë intelektualë, të profesioneve të ndryshme, biznesmenë të pavarur, por konstatuan se këtu nuk ka zgjedhje, por ka farsë"

I pyetur nëse i bojkotoi këto zgjedhje, Berisha u përgjigj:

“Jo nuk i bojkotuam, po të ishte bojkot themi i bojkotuam, ju s’më keni dëgjuar njëherë të bëjë thirrje qytetarëve të votoni apo jo. Ne mbështetëm dhe u regjistruam për shkak të këtyre, sepse nuk përfitonin komisionerët. Ishin disa veprime të studiuara mirë që treguan se, kjo qeveri zgjedhje nuk bën. Se qytetarët e kanë kuptuar dhe nuk mund të dalin në zgjedhje”.

Më tej i pyetur nëse kjo ishte një manovër për të shmangur përgjegjësinë e humbjes, Berisha u shpreh se zgjedhjet ishin një farsë dhe se farsa duhet luftuar.

“Jo absolutisht, por farsa është farsë. Farsa duhet luftuar, në farsë nuk ka zgjedhje. Çfarë u kërkoj unë ju? Unë ju kërkoj ju të studioni kategoritë; çfarë është diktatura autoritare dhe çfarë është autokracia elektorale. Janë sinonime të njëra-tjetrës. Janë regjime në të cilat pushteti përqëndrohet në një dorë ose në një grup. Janë regjime të cilat nuk zhvillojnë zgjedhje, të cilat e pranojnë pluralizmin dhe e shtypin pluralizmin. Siç është kjo. Kjo është klasike.   

Por në dallim nga autokracitë e tjera elektorale, ky është narkoshtet. Lexoni përkufizimin e Fondit Monetar për narkoshtetin. Narkoshtet sipas FMN-së janë shtete në të cilat kanë infiltruar përfaqësuesit e drogës në të gjitha institucionet.  Më thuaj mua një institucion ku nuk janë përfaqësuesit e drogës. Më thoni një institucion. Di ti emrin e një institucioni që nuk ka përfaqësues të klaneve dhe karteleve të drogës. Njihni ndonjë?  Ju thoni pikërisht një ‘x’, nuk është”, ka deklaruar Berisha./ CNA





Lajmet e fundit nga