web counter
LEXO PA REKLAMA!

SHKARKO APP

App Store
Google Play

E fundit!

x

Berisha lajmëron protesta: Ja si do të zhvillohen

10 Nëntor 2025, 17:01, Politikë CNA

Berisha lajmëron protesta: Ja si do të zhvillohen

Kryetari i Partisë Demokratike, Sali Berisha ka dhënë një deklaratë për mediat pas mbledhjes së grupit parlamentar në selinë blu. Berisha akuzoi sërish parlamentin se po përdoret kundër opozitës dhe interesave të qytetarëve.

Ai paralajmëroi protesta para kryeministrisë në ditë të caktuara, ndërsa nuk përjashtoi edhe mbajtjen e protestave kombëtare.

"Vendimi është i prerë, do të bëhet çdo përpjekjet e domosdoshme për rikthimin e parlamentit dhe funksionimin e tij, mbi baza të Kushtetutës dhe ligjeve. Pra, nëse sot për sot, parlamenti funksionon i tëri jashtë përcaktimeve të Kushtetutës dhe rregullores së parlamentit;

Sot për sot, parlamenti është një instrument opresiv ndaj opozitës. Sot për sot parlamenti është një instrument opresiv ndaj qytetarëve shqiptarë, nuk shpreh më, nuk merret me të drejtat e qytetarëve shqiptarë, me interesat e tyre, dhe siç keni parë ju, pas 10 seancash është bllokuar debati në 9 seanca dhe është lejuar në vetëm në 1 seancë. Ndërkohë deputetët tanë kanë qenë në çdo mbledhje të Komisioneve parlamentare. Kanë shqyrtuar ligje dhe vendime me seriozitetin më të madh. Absolutisht do të përdorim të gjitha mjetet, gjersa parlamenti të funksionojë. Bojkoti nuk është opsion. Ne e kemi të ndaluar bojkotin.

Platforma para kryeministrisë ka dy qëllime, largimin e Ramës dhe Ballukut. Në ndërtesën e kryeministrisë ka nëj zyrë ku është e vendosur zëvendëskryeministrja. Ne do vendosim aty platformën për largimin e Ramës dhe Ballukut. Do të jetë në ditë të caktuara. Do shkohet drejt protestave kombëtare, por fillimisht do të vendosim këto masa", tha Berisha. /CNA





Lajmet e fundit nga