web counter
LEXO PA REKLAMA!

SHKARKO APP

App Store
Google Play

E fundit!

x

E turpshme/ Kandidatja e Sinan Idrizit në Vlorë do qeverisë me 15 mijë vota

10 Nëntor 2025, 10:30, Politikë CNA

E turpshme/ Kandidatja e Sinan Idrizit në Vlorë do qeverisë me 15

Të dielën, në Bashkinë e Vlorës u mbajtën zgjedhjet e pjesshme, që vunë përballë tre kandidatë. Në Vlorë garoi një kandidatë partiake dhe dy të tjerë të pavarur.

Më konkretisht: Brunilda Mersini nga Partia Socialiste, Dionis Sota dhe Gjergji Nika si të pavarur.

Teksa numërimi i votave ka përfunduar, janë marrë këto rezultate:

Brunilda Mersini me 15672 vota ose 78.44%

Dionis Sota me 2333 vota ose 11.68%

Gjergji Nika me 1975 vota ose 9.88%

Sipas të dhënave zyrtare të KQZ-së, në këtë proces kishin të drejtë vote 171.895 qytetarë të regjistruar në territorin e bashkisë Vlorë.

Në vitin 2023, për zgjedhjet e bashkisë votuan 40 mijë zgjedhës, nga këto Ermal Dredha i PS ka marrë 28.271 vota dhe Hysni Shara i PD ka marrë 11.802 vota. 

Ndërsa në këto zgjedhje, pjesëmarrja zyrtarte ishte 12.54% ose 18.111 votues. Bruna Mersini, që rezultoi fituese, mori rreth 15 mijë vota dhe dy rivalët e saj Dionis Sota 2300 vota dhe Gjergji Nika rreth 2 mijë vota.

Në total të tre kandidatët së bashku kanë marrë rreth 8 mijë vota më pak se Ermal Dredha në vitin 2023.

Në zgjedhjet e 11 majit 2025, PS mori në Bashkinë Vlorë 29499 vota si subjekt politik ose 59.4%. Brunilda Mersini ka marrë gjysmat e këtyre votave të cilat u hodhën në kuti 5 muaj më parë. Pra pas 5 muajsh, kandidatja e Sinan Idrizit në Vlorë merr gjysmat e votave që PS ka marrë në dy zgjedhjet e fundit.

Ndërkohë, duke iu rikthyer sërish rezultatit të djeshëm, kandidatja e Sinan Idrizit, thjesht u emërua nga pushteti në karrige për interesa klienteliste me biznesmenin që ka zëvendësuar Koço Kokëdhimën, për tu sjellë si sulltan i Vlorës./CNA





Lajmet e fundit nga